آئی سی سی نے پاکستان کی اسٹریٹ کرکٹ کے دلچسپ آؤٹ کا فیصلہ سنا دیا

ویڈیو میں دیکھا جا سکتا ہے کہ پاکستان کے کسی دیہات کے ایک میدان میں کرکٹ کھیلی جا رہی ہے

Sports Desk May 23, 2018

ویڈیو میں دیکھا جا سکتا ہے کہ پاکستان کے کسی دیہات کے ایک میدان میں کرکٹ کھیلی جا رہی ہے۔ فوٹو : فائل

انٹرنیشنل کرکٹ کونسل نے بیٹسمین کے دلچسپ آؤٹ ہونے کی وڈیو پر بیٹسمین کے خلاف فیصلہ سنا دیا۔

آئی سی سی نے ایک ٹوئٹ کیا ہے کہ حمزہ نامی صارف نے ویڈیو بھیجی جس میں بیٹسمین کے آﺅٹ ہونے یا نہ ہونے کے بارے میں پوچھا گیا ہے۔ ویڈیو میں دیکھا جا سکتا ہے کہ پاکستان کے کسی دیہات کے ایک میدان میں کرکٹ کھیلی جا رہی ہے، بیٹسمین شاٹ کھیلتا ہے تو گیند کریز پر تھوڑا آگے جاتی ہے اور پھر گھومتی ہوئی واپس آتی ہے، اس دوران بیٹسمین اسے روکنے کی کوشش بھی کرتا ہے لیکن گیند سیدھی وکٹوں میں جا کر لگتی ہے، بیٹسمین تھوڑا احتجاج کرتا ہے تاہم بعد میں آﺅٹ کا فیصلہ تسلیم کر لیتا ہے۔

A fan named Hamza sent this video to us this morning asking for a ruling.

Unfortunately for the (very unlucky) batsman, law 32.1 confirms... Out! ☝ pic.twitter.com/y3Esgtz48x
— ICC (@ICC) May 22, 2018

آئی سی سی نے بھی بیٹسمین کے آﺅٹ ہونے کی تصدیق کرتے ہوئے کہا ہے کہ آئی سی سی کے قانون 32.1 کے تحت بدقسمت بیٹسمین آؤٹ ہے۔ ابھی تک یہ معلوم نہیں ہو سکا کہ وڈیو پاکستان کے کس حصے سے بھیجی گئی، کچھ صارفین کے مطابق پلیئرز سندھی زبان بول رہے ہیں اور کھلاڑیوں کا تعلق صوبہ سندھ کے کسی علاقے سے ہے جبکہ بعض کے مطابق پاکستان کے شمالی پہاڑی علاقہ جات میں بنائی گئی۔