ڈگری میں آسمانی بجلی گرنے سے لڑکی سمیت4 افراد ہلاک

ٹنڈو جان محمد کے نواحی گاؤں کا چرواہا شہزاد ولد ابراہیم اپنی بھینسوں کو پانی سے نکالتے ہوئے توازن برقرار نہ رکھ سکا اور ندی میں ڈوب کر ہلاک ہوگیا۔

---

ڈگری میں آسمانی بجلی گرنے سے ایک خاتون سمیت 4 افراد ہلاک جبکہ چرواہا ندی میں ڈوب گیا اور بچے کی لاش ملی ہے۔

تفصیلات کے مطابق ڈگری میں گزشتہ شب گرج چمک کے ساتھ بارش ہوئی، بارش کے دوران نواحی گاؤں میں آسمانی بجلی گرنے سے 17 سالہ فاطمہ ملاح بنت عبداللہ ملاح اور عطا اللہ ولد نہال چانڈیو جبکہ جھڈو کے نواحی گاؤں میں دوہاری سو جو کولہی اور بھورو کولہی ہلاک ہوگئے۔



ٹنڈو جان محمد کے نواحی گاؤں کا چرواہا شہزاد ولد ابراہیم اپنی بھینسوں کو پانی سے نکالتے ہوئے توازن برقرار نہ رکھ سکا اور ندی میں ڈوب کر ہلاک ہوگیا۔ درگاہ امیر شاہ کے نزدیک نوزائیدہ بچے کی لاش ملی، شہریوں کی اطلاع پر پولیس نے لاش کو نالے سے نکال کر رورل ہیلتھ سینٹر میرواہ گورچانی پہنچا دیا۔