ڈیرہ مراد جمالی میں دھماکا دوپولیس اہلکاروں سمیت 6 زخمی

بلوچستان کے علاقے ڈیرہ مراد جمالی میں پولیس کی گاڑی کے نزدیک دھماکا ہوا ہے جس کے باعث دو پولیس اہلکاروں سمیت چھ افراد زخمی ہوگئے۔


ایکسپریس نیوز کے مطابق دھماکا ڈیرہ مراد جمالی کے ڈی سی چوک میں کھڑی ایک پولیس وین کے نزدیک ہوا جس میں پولیس اہلکاروں سمیت چھ شہری زخمی ہوئے۔

پولیس نے علاقے کو گھیرے میں لے لیا جب کہ امدادی ادارے نے زخمیوں کو اسپتال منتقل کردیا۔ پولیس کی ابتدائی تحقیقات کے مطابق بارودی مواد پاس کھڑی موٹرسائیکل میں نصب تھا، واقعے کی مزید تحقیقات کی جارہی ہیں اب تک کسی تنظیم نے دھماکے کی ذمہ داری قبول نہیں کی ہے۔