کرن جوہرمیرے لئے بہترین جیون ساتھی ثابت ہوں گے ملکہ شراوت

مجھے بھی زندگی گزارنے کے لئے کسی کا ساتھ اور پیار کی کمی شدت سے محسوس ہوتی ہے، ملکہ شراوت۔ فوٹو: ایکسپریس

---

اداکارہ ملکہ شراوت کا کہنا ہے کہ ہدایت کار کرن جوہر ان کے لئے بہترین جیون ساتھی ثابت ہوں گے۔

ملکہ شراوت نے میڈیا کے نمائندوں سے بات کرتے ہوئے کہا کہ وہ کرن جوہر کو بے حد پسند کرتی ہیں اور وہ ان کے لئے بہترین ہمسفر ثابت ہوں گے، ملکہ بہت جلد ہی ٹی وی پر ایک شو "بیچلریٹ انڈیا، میرے خیالوں کی ملکہ" کریں گی جس میں وہ اپنے لئے من پسند جیون ساتھی چنیں گی۔

ملکہ شراوت کا کہنا تھا کہ زندگی میں کوئی آپ کے ساتھ ہو اس چیز کی بہت اہمیت ہوتی ہے اورلوگ سمجھتے ہیں کہ ایک ادکارہ کے پاس سب کچھ ہوتا ہے، نام شہرت، عزت اور ان سب کی موجودگی میں اسے زندگی میں شریک حیات کی کمی محسوس نہیں ہوتی ہوگی، ملکہ نے کہا کہ میں بھی ایک عام لڑکی کی طرح تنہائی محسوس کرتی ہوں اور مجھے بھی زندگی گزارنے کے لئے کسی کا ساتھ اور پیار کی کمی شدت سے محسوس ہوتی ہے۔

واضح رہے کہ ملکہ سے پہلے بھارت میں راکھی ساونت اور رتن راجپوت بھی ٹی وی شو کے ذریعے اپنے ہمسفر چننے کا کام کر چکے ہیں۔