پیپلز پارٹی نے بدین میں ریکارڈ ترقیاتی کام کرائے فہمیدہ مرزا

ڈاکٹر فہمیدہ مرزا نے کہا کہ بدین کے عوام 11 مئی کو پی پی پی کے امیدواروں کو ووٹ دے کر بھاری اکثریت سے کامیاب کرائیں گے۔ فوٹو: فائل

---

حلقہ این اے 225 سے امیدوار ڈاکٹر فہمیدہ مرزا نے کہاہے کہ پی پی پی نے5 سالہ دور میں ریکارڈ ترقیاتی کام کرائے۔

اس لیے بدین کے عوام 11 مئی کو پی پی پی کے امیدواروں کو ووٹ دے کر بھاری اکثریت سے کامیاب کرائیں گے۔ مرزا فارم پر میڈیا سے بات چیت کرتے ہوئے انھوں نے کہا کہ ہمارے 5 سالہ دور میں بدین ضلع کے 881 گوٹھوں کو بجلی کی فراہمی 90 چھوٹے بڑے شہروں کو سوئی گیس دینے کے علاوہ دیہی علاقوں کو شہری علاقوں سے ملانے کے لیے 350 کلو میٹر سے زائد پختہ سڑکوں کی تعمیر کی گئی۔



جبکہ پانچوں تحصیلوں میں عوام کو تفریح سہولتیں فراہم کرنے کے لیے ضلع میں کروڑوں روپے کی لاگت سے پبلک پارک تعمیر کیے گئے، بجلی کے نظام کو بہتر سے بہتر کرنے کے لیے بدین گرڈ اسٹیشن کو اپ گریڈ کیا گیا۔