لاڑکانہ گیس کی پائپ لائن دھماکے سے تباہ کئی علاقوں کو فراہمی معطل

ISLAMABAD:
لاڑکانہ کے قریب سوئی گیس کی پائپ لائن دھماکے سے تباہ کر دی گئی جس کی وجہ سے لاڑکانہ، قمبر ،شہدادکوٹ سمیت کئی علاقوں کو گیس کی فراہمی معطل ہوگئی ہے۔


لاڑکانہ کے علاقےبروہی گاؤں ميں 24 انچ قطر گیس کی مرکزی پائپ لائن کو بارودی مواد سے تباہ کردیا گیا ، دھماکے کے بعد آگ لگنے سے پائپ لائن کے 15 فٹ کے حصے کو شدید نقصان پہنچا جس کے باعث قمبر شہداد کوٹ اور لاڑکانہ کے سیکڑوں گاؤں کو گیس کی سپلائی معطل ہوگئی، پولیس اور سوئی گیس کے عملے نے متاثرہ جگہ پر پہنچ کر پائپ لائن کی مرمت کا کام شروع کر دیا جو 12 گھنٹے میں مکمل کر لیا جائے گا۔