فلم ’سنجو‘ کے ٹیزر کے بعد دھماکے دار ٹریلر جاری

سنجے دت کی زندگی پر مبنی فلم ’سنجو‘ 29 جون کو سنیما گھروں کی زینت بنے گی۔ فوٹو: فائل

---

NEW DELHI: بالی ووڈ کے چاکلیٹی ہیرو رنبیر کپور کی فلم 'سنجو' کے ٹیزر کے بعد دھماکے دار ٹریلر بھی جاری کردیا گیا ہے۔

بالی ووڈ میں فلم 'سنجو' کے ٹیزر سے تہلکہ مچانے والے اداکار رنبیر کپور ان دنوں خبروں کی زینت بنے ہوئے ہیں جب کہ سنجے دت کی زندگی پر مبنی فلم میں ہر کردار کو سنجے دت کی ہوبہو اداکاری پر انہیں ہر جانب سے سراہا جارہا ہے , فلم کے ٹیزر کی طرح ٹریلر میں بھی سنجے دت کے مختلف روپ دکھائے گئے ہیں اور ٹریلر نے ریلیز ہوتے ہی ہلچل مچا دی ہے۔

بھارتی میڈیا رپورٹس کے مطابق راجکمار ہیرانی کی ہدایتکاری میں بننے والی فلم 'سنجو' کا آفیشل ٹریلر بلآخر جاری کردیا گیا۔ 3 منٹ 4 سیکنڈ کے ٹریلر میں سنجے دت کی پوری زندگی کو مختلف مراحل میں دکھایا گیا ہے اور ٹریلر کے ابتدا میں ہی زبردست ڈائیلاگ بھی شامل ہیں۔


ٹریلر کی ابتداء میں سنجے دت کا کردار نبھانے والے بالی ووڈ کے چاکلیٹی ہیرو رنبیر کپور کہتے ہیں کہ 'اتنی ورائٹی والی لائف آپ کو کدھر ملے گی؟ جب کہ مزید کہا کہ 'میں شرابی ہوں، ٹھرکی ہوں، نشے کا عادی ہوں لیکن دہشت گرد نہیں ہوں، فلم کے ٹریلر میں سنجے دت کی نوجوانی کے دن ،نشے کی لت ،معاشقے اور انڈر ولڈ سے تعلقات کو بھی دکھایا گیا ہے۔

فلم 'سنجو' کے دھماکے دار ٹریلر پر فلمی شخصیات بھی خاموش نہ رہے اور انہوں نے اپنی رائے سے ٹریلر کو بھرپور انداز میں سراہا۔ فلم میں رنبیر کے مدمقابل اداکارہ کا کردار ادا کرنے والی دیا مرزا کا سماجی رابطے کی ویب سائٹ ٹوئٹر پر کہنا تھا کہ ایک زندگی میں کئی زندگیاں گزارنے والے شخص کا ٹریلر جاری ہو گیا ہے۔

The man who has lived many lives! Here’s the official #SanjuTrailer - https://t.co/oTePmBoCsL #RanbirKapoor @RajkumarHirani #RajkumarHiraniFilms @foxstarhindi @VVCFilms

— Dia Mirza (@deespeak) May 30, 2018

بالی ووڈ نامور اداکار انیل کپور نے تعریف کرتے ہوئے کہا کہ فلم کے ٹریلر کی تعریف کرنے کے لئے میرے پاس الفاظ نہیں۔

Mind-blowing is the word! #SanjuTrailer has left me speechless! https://t.co/jHSawW3L0o
#RanbirKapoor @RajkumarHirani #RajkumarHiraniFilms @VVCFilms @foxstarhindi
Special mention for my daughter @sonamakapoor loved you in the trailer ❤️

— Anil Kapoor (@AnilKapoor) May 30, 2018

معروف ہدایتکار اور فلم ساز کرن جوہر نے بھی راجکمار ہیرانی اور رنبیر کپور کی تعریف کی اور کہا کہ دماغ کو ہلا دینے والا ٹریلر ہے۔

https://twitter.com/karanjohar/status/1001740156435607553

واضح رہے کہ سنجے دت کی زندگی پر بننے والی فلم 29 جون کو سنیما گھروں کی زینت بنے گی جس میں رنبیر کے ہمراہ منیشا کوئرالہ، سونم کپور،انوشکا شرما اور دیا مرزا مرکزی کردار میں نظر آئیں گی۔