نفسیاتی بیٹے نے ڈنڈے کے وار سے باپ کو ہلاک کردیا

پولیس کا کہنا ہے کہ ملزم افضل نفسیاتی مریض ہے جس کا علاج چل رہا ہے جبکہ وہ نشے کا بھی عادی ہے۔ فوٹو: فائل

---

شاہ فیصل کالونی میں بیٹے نے ڈنڈے کے وار کرکے باپ کو ہلاک کردیا ۔

ملزم نفسیاتی مریض اور نشے کا عادی ہے ، پولیس نے ملزم کو گرفتار کرکے آلہ قتل برآمد کرلیا، تفصیلات کے مطابق شاہ فیصل کالونی بلاک 5 میں مکان نمبر 5/652 کے رہائشی 60 سالہ علی محمد ولد نور محمد کو اس کے بیٹے 23 سالہ محمد افضل نے ڈنڈوں کے وار کرکے ہلاک کردیا ، متوفی کی لاش ضابطے کی کارروائی کے لیے جناح اسپتال پہنچائی گئی۔



شاہ فیصل کالونی پولیس کے مطابق ملزم کو گرفتار کرکے آلہ قتل برآمد کرلیا گیا ہے ، پولیس کا کہنا ہے کہ ملزم افضل نفسیاتی مریض ہے جس کا علاج چل رہا ہے جبکہ وہ نشے کا بھی عادی ہے۔

گزشتہ روز باپ سے کسی بات پر ناراضگی ہوگئی جس پر اس نے مشتعل ہو کر علی محمد کے سر پر ڈنڈوں کے وار کیے جس سے وہ موقع پر ہی ہلاک ہوگیا ، اس دوران دیگر اہل خانہ نے بیچ بچائو کی کوشش کی لیکن نتیجہ بے سود رہا ، پولیس نے ضابطے کی کارروائی کے بعد لاش ورثا کے حوالے کردی جبکہ ملزم کے خلاف مقدمہ درج کرلیا ہے ۔