کراچی رینجرز کا ٹارگٹڈ آپریشن متعدد مشتبہ افراد زیر حراست اسلحہ برآمد

شاہ فیصل کالونی اور سپرہائی وے فقیرہ گوٹھ میں رینجرز نے ٹارگٹڈ آپریشن کے دوران متعدد مشتبہ افراد کوحراست میں لے کر بھاری اسلحہ برآمد کرلیا۔

جرائم پیشہ افراد کے خلاف کراچی میں رینجرز کی کارروائیاں جاری ہیں، اطلاع ملنے پر رینجرز نے سپرہائی وے پر واقع فقیرہ گوٹھ کا محاصر ہ کیا، کارروائی میں رینجرزکی بھاری نفری نے حصہ لیا جن میں خواتین اہلکار بھی شامل تھیں، آپریشن میں سراغ رساں کتوں کی بھی مدد حاصل کی گئی۔


کئی گھنٹے تک جاری رہنے والے آپریشن کے دوران علاقے کے داخلی اور خارجی راستے سیل کرکے آمدروفت معطل کردی گئی، رینجرز نے ٹارگٹڈ آپریشن کے دوران 10 مشتبہ افرادکو حراست میں لے کر مختلف اقسام کے 28 ہتھیاربرآمد کرلیے گئے۔

دورسری جانب شاہ فیصل کالونی کے علاقے گرین ٹاؤن میں بھی رینجرز نے ٹارگٹڈ کارروائی کے دوران متعدد افراد کو حراست میں لے کر بھاری اسلحہ بھی برآمد کیا گیا۔