ایشین گیمز 6 جوڈو پلیئرز پاکستان کی نمائندگی کریں گے

ایشین گیمز 18اگست سے 2 ستمبر تک انڈونیشیا کے شہر جکارتہ میں منعقد ہوگی۔ فوٹو: فائل

---

رواں برس انڈونیشیا کے شہر جکارتہ میں شیڈول ایشین گیمز میں 6 جوڈو پلیئرز پاکستان کی نمائندگی کریں گے۔

ایشین گیمز کے حوالے سے پاکستان جوڈو فیڈریشن کے صدر کرنل جنید عالم اور نائب صدر مسعود احمد خان کے درمیان ملاقات ہوئی ہے۔ ملاقات کے دوران طے پایا گیا ہے کہ فیڈریشن ایشین گیمز کیلیے 4 سے 6 کھلاڑیوں کو بھجوائے گی، انھوں نے کہا کہ اس حوالے سے پاکستان اسپورٹس بورڈ کو پروگرام دیا ہے، ایونٹ کی تیاری کیلیے قومی کھلاڑیوں کا تربیتی کیمپ جلد لگایا جائے گا۔

واضح رہے کہ ایشین گیمز 18اگست سے 2 ستمبر تک انڈونیشیا کے شہر جکارتہ میں منعقد ہوگی۔