سعودی عرب میں پہلی خاتون کو ڈرائیونگ لائسنس جاری

خواتین 24 جون سے باقاعدہ ڈرائیونگ کرسکیں گی۔ فوٹو : فوٹو (اے پی)

---

سعودی عرب میں خواتین کو ڈرائیونگ کی اجازت ملنے کے بعد پہلی خاتون کو ڈرائیونگ لائسنس جاری کردیا گیا ہے۔

سعودی فرماں روا شاہ سلمان بن عبدالعزیز نے 2017 میں خواتین کی ڈرائیونگ سے متعلق تاریخی فیصلہ سناتے ہوئے خواتین کو ڈرائیونگ کی اجازات دی تھی جس پر ٹریفک پولیس ڈیپارٹمنٹ نے عمل درآمد کرتے ہوئے پہلی خاتون کو ڈرائیونگ لائسنس جاری کردیا ہے۔

اس خبر کو بھی پڑھیں :خواتین کو ڈرائیونگ کی اجازت دیدی گئی

الف الف الف الف مبروك ل بنات الوطن
إصدار اول رخصة قياده في السعوديه pic.twitter.com/GRUNxJxpaq

— سعود الزمانان (@saudalzmanan) June 4, 2018

العربیہ ٹی وی کے مطابق گزشتہ ماہ ٹریفک کے ڈائریکٹر جنرل محمد ال بسامی نے کہا تھا کہ خواتین کو ڈرائیونگ لائسنس جاری ہونے کے بعد وہ ملک میں 24 جون سے باقاعدہ ڈرائیونگ کرسکیں گی جب کہ ڈرائیونگ کے لئے خواتین کی عمر 18 سال مقرر کی گئی ہے اور 18 سال یا اس سے زائد عمر کی خواتین کو ہی ڈرائیونگ کی اجازت دی جائے گی۔

واضح رہے کہ سعودی عرب میں 1990 سے خواتین کی ڈرائیونگ پر پابندی تھی تاہم یہ پابندی سرکاری طور پر عائد نہیں تھی اور نہ یہ قانون کا حصہ تھی مگر خواتین کو ڈرائیونگ لائسنس جاری نہیں کیا جاتا تھا جب کہ خواتین کی جانب سے گاڑی چلانے کی اجازت کے لئے خصوصی مہم بھی چلائی گئی تھی۔