پریانکا چوپڑا مشکل میں پھنس گئیں

قسط میں ایک بھارتی شہری کوایٹمی حملہ کرکے پاکستان پر الزام عائد کرنا دکھایا گیا ہے۔فوٹو: فائل

---

بالی ووڈ کی معروف اداکارہ پریانکا چوپڑا کو امریکن ٹیلی ویژن سیرن 'کوانٹیکو' میں بھارتی دہشت گرد کا کردار دکھانا مہنگا پڑگیا۔

بھارتی میڈیا رپورٹس کے مطابق بالی ووڈ معروف اداکارہ پریانکا چوپڑا گزشتہ تین سالوں سے مشہور امریکی ٹیلی ویژن شو 'کوانٹیکو' میں ایف بی آئی ایجنٹ کا کردار ادا کر رہی ہیں جسے اپنی کہانی کی بدولت خاصی مقبولیت بھی حاصل ہے جب کہ یکم جون کو نشر ہونے والی کوانٹیکو کی ایک قسط میں ایک بھارتی شہری کو مین ہٹن میں ایٹمی حملے کا منصوبہ بناتے ہوئے دکھایا گیا جس کا الزام بعد میں پاکستان پر عائد کرنا تھا۔ اس قسط کے نشر ہونے کے بعد پریانکا کے بھارتی مداح آگ بگولہ ہو گئے اور انہیں شدید تنقید کا نشانہ بنایا۔

What the hell was this episode of #Quantico .. they tried to show ‘Indian nationalists’ (their term) trying to blow up Manhattan to frame Pakistan.. I don’t even know what sort of ridiculous narrative was this episode trying to set.. nonsensical stuff..

— Aadit Kapadia (@ask0704) June 3, 2018

سماجی رابطے کی ویب سائٹ پر اپنی ٹوئٹ میں اڈت کماڈیا نے غصے کا اظہار کرتے ہوئے کہا کہ کوانٹیکو کی کیا احمقانہ قسط تھی جس میں بھارتی کو مین ہٹن کو اڑا کر پاکستان پر الزام عائد کرتے ہوئے دکھایا گیا ہے جب کہ میں یہ جاننے سے قاصر ہوں کہ اس احمقانہ قسط کا مقصد کیا تھا جو مکمل طور پر ایک نامعقول عمل ہے۔

https://twitter.com/duvijan/status/1003035926333882369

ایک صارف نے لکھا کہ اس قسط ہندو شہری کے گرد گھومتی ہےجو بھارتی شہری ہوتا ہے جس کا کام حکومتی سرپرستی میں ایٹمی حملہ کرکے پاکستان پر الزام لگانا ہے جسے پریانکا ایف بی آئی کی ٹیم کے ہمراہ روکتی ہے۔

I wonder if "Work VISA" issued by @SushmaSwaraj permits @priyankachopra to spread propaganda narrative via "Quantico" that Indian nationals get involved in planting bombs against a friendly nation US. VISA get cancelled for phony excuses if it's regular people @MEAIndia

— Nitish Kumar (@nkumar_) June 4, 2018

نتیش کمار نے تنقید کرتے ہوئے کہا کہ 'میں حیران ہوں اگر پریانکا کو سشما سوراج کی اجازت سے ڈرامے کے ذریعے پروپیگنڈا کو پھیلانے کے لئے ویزا دیا گیا ہے تو اسے منسوخ کر دینا چاہئے۔

واضح رہے کہ پریانکا چوپڑا کو اپنے اس کامیاب ٹی وی شو کوائنٹیکو' کے لیے دو مرتبہ پیپلز چوائس ایوارڈ سے بھی نوازا جاچکا ہے۔