سانگھر میں بے قابو گاڑی نہر میں جا گری 6 افراد ڈوب گئے

لاشیں نکال لی گئیں،ٹی بی ہیلتھ کا ڈرائیور کیلاش سرکاری گاڑی میں فیملی کے ہمراہ جارہا تھا،مرنے والوں میں 4 بچے بھی شامل۔ فوٹو : فائل

---

سرکاری گاڑی مٹھڑاؤ کینال میں جا گری جس کے نتیجے میں 4 بچے، خاتون اور مرد ڈوب گئے۔

سانگھڑ کے قریب پیرومل تھانے کی حدود میں ٹی بی ہیلتھ کا ڈرائیور کیلاش اپنی فیملی کے 6افراد روبینہ، پوجہ،2کمسن لڑکوں 2 لڑکیاں اور بیوی شریمتی سلیمت کو لے کر اپنے گاؤں سے نکلا اور تھوڑی دور جاکر تیز رفتاری کے باعث گاڑی بے قابو ہو گئی اور مٹھڑاؤ کینال میں جاگری۔ کئی گھنٹے گزرنے کے بعد علاقہ مکینوں کو خبر ہوئی جب تک گاڑی میں سوار تمام افراد دم توڑ چکے تھے۔

اطلاع ملنے پر سانگھڑ اور پیرومل پولیس کے ایس ایچ او دودو جونیجو اور ریسکیو ٹیمیں جائے وقوعہ پر پہنچیں اور مقامی لوگوں کی مدد سے لاشوں کو نہر سے نکالا۔