بلیوایریا میں نامعلوم افراد نے دفتر میں گھس کر نجی سیکیورٹی کمپنی کے ایڈمن آفیسر کو فائرنگ کرکے قتل کردیا۔

اسلام آباد کے علاقے بلیو ایریا میں 4 نقاب پوش مسلح افراد نے نجی سیکیورٹی کمپنی کے دفتر میں گھس کر فائرنگ کردی، جس کے نتیجے میں وہاں موجود کمپنی کا ایڈمن آفیسر موقع پر ہی جاں بحق ہوگیا جب کہ حملہ آور باآسانی فرار ہوگئے۔

واقعے کا مقدمہ تھانہ کوہسار میں درج کرلیا گیا ہے، پولیس کا کہنا ہے کہ مقتول کی شناخت سلیم کے نام سے ہوئی ہے جب کہ حملہ آوروں کی تلاش جاری ہے۔