خدیجہ کیس کا ملزم بری ہونے پر پاکستانی فنکاروں کی شدید مذمت

فنکاروں کی جانب سےخدیجہ کے ملزم کو بری کرنے کے فیصلے کو طاقت کا کھیل قراردیاجارہا ہے

ویب ڈیسک June 05, 2018

فنکاروں کی جانب سےخدیجہ کے ملزم کو بری کرنے کے فیصلے کو طاقت کا کھیل قراردیاجارہا ہے فوٹو:فائل

گزشتہ روز لاہور ہائی کورٹ کی جانب سے خدیجہ صدیقی پر قاتلانہ حملےکے مرکزی ملزم شاہ حسین کو بری کرنے پر پاکستانی فنکاروں کی جانب سے شدید الفاظ میں مذمت کی جارہی ہے اور اسے طاقت کا کھیل قرار دیا جارہاہے۔

2016 میں قانون کی طالبہ خدیجہ صدیقی کو اس کے کلاس فیلو شاہ حسین نے چھریوں کے 23 وار کرکے لہولہان کردیاتھا، خدیجہ تو اس قاتلانہ حملے میں بچ گئی تھی، تاہم اس نے انصاف کے لئے قانون کا دروازہ کھٹکھٹایاتھا، تاہم گزشتہ روز خدیجہ کے ملزم کو لاہور ہائی کورٹ نے بری کردیا۔ عدالت کے فیصلے پر نہ صرف پوری قوم غم وغصے کا شکار ہے بلکہ فنکار برادری کی جانب سے بھی شدید الفاظ میں مذمت کی جارہی ہے، یہاں تک کہ ''خدیجہ کو انصاف دو'' ٹوئٹر پر ٹاپ ٹرینڈ بنا ہوا ہے۔

اس خبرکوبھی پڑھیں: خدیجہ قاتلانہ حملہ کیس؛ ملزم شاہ حسین کو بری کردیا گیا

اداکارہ ماہرہ خان نے ملزم شاہ حسین کی رہائی پر شدید غم و غصے کا اظہار کرتے ہوئے اسے ''طاقت کا کھیل'' قرار دیااور کہا اس سے زیادہ اور کچھ طاقتور نہیں کہ لوگ طاقتوروں کے خلاف متحدہوجائیں، خدیجہ ہم آپ کے ساتھ ہیں۔ خدیجہ کو انصاف دو۔''

And if it is the game of power, then so be it. Because there is nothing more powerful than when people come together united for a cause against those in power. We are with you @khadeeeej751 #justiceforkhadija
— Mahira Khan (@TheMahiraKhan) June 4, 2018

حمزہ علی عباسی نے نہایت غم و غصے کااظہار کرتے ہوئے کہا کہ میں نے سنا خدیجہ پر چھریوں کے وار کرنے والے ملزم کو لاہور ہائی کورٹ سے بری کردیاگیا ہے؟ کیا یہ سچ ہے، ہمیں خدیجہ کے لیے ایک ہونا ہوگا اور اس کی آواز بنناہوگا۔ ہم خدیجہ کی آواز ہیں۔

WHAT THE HELL? I am hearing that attacker of #KhadijaSiddiqi who stabbed her 24 times has been acquitted by Lahore High Court???? If this is true, then we must all unite & be Khadija's voice & leave no stone unturned to get her justice against this barbarian! #WeAreWithKhadija pic.twitter.com/BimkvEK8Z5
— Hamza Ali Abbasi (@iamhamzaabbasi) June 4, 2018

اداکارہ ماورہ حسین نے لاہور ہائی کورٹ کے فیصلے کو یک طرفہ اورجانبدار فیصلہ قراردیا، کسی پر چھریوں کے 23 وار کرنے والے کے لیےسزائے موت سے کم کوئی سزا نہیں کیا طاقت انصاف سے اوپر ہے؟

High court decision in #KhadijaSiddiqi Case is ridiculous. It’s outright biased/unfair verdict. Is stabbing someone 23 times not enough to amount for a punishment or is it power over justice ? #KhadijaSiddiqiCase #westandwithKhadija
— MAWRA HUSSAIN (@MawraHocane) June 4, 2018

اداکار عثمان خالد بٹ نے بھی ملزم کے بری ہونے کی شدید الفاظ میں مذمت کرتے ہوئے کہا مجھے یقین نہیں آرہا شاہ حسین جس نے اپنی کلاس فیلو کو چھریوں کے 23 وار کرکے زخمی کیا اور اب بری ہوگیا ہے، خدیجہ صحیح تھی انصاف مرگیا، مجھے معاف کردیں یہ ملک ناکام ہوگیا۔ خدیجہ صدیقی کے ساتھ جو آج ہواہے وہ پاکستان کے لیے شرمندگی کی بات ہے، اس بچی کی ہمت تو قائم ہے، کسی اور کی ہمت نہ ٹوٹ جائے۔ انہوں نے چیف جسٹس پاکستان جسٹس ثاقب نثارکومخاطب کرتے ہوئے کہا خدارا۔۔ عدالتوں کا نوٹس لیجئے۔

I cannot believe Shah Hussain - who, to recap, stabbed his classmate Khadija 23 times in May 2016 - has been acquitted. Khadija is right: justice butchered. I'm so sorry this country failed you. https://t.co/neK3lV7cpg
— Osman Khalid Butt 🇵🇸 (@aClockworkObi) June 4, 2018

'Khadija Siddiqui ke saath jo aaj hua hai woh Pakistan ke liye sharmindagi ki baat hai. Us bachi ki himmat to qaim hai, kisi aur ki himmat na toot jaye. Khudaara, adalaton ka notice lijiye.' - Jibran Nasir.
Hon. CJP Saqib Nisar, are you listening? #JusticeForKhadija https://t.co/Z46YyAq6hO
— Osman Khalid Butt 🇵🇸 (@aClockworkObi) June 4, 2018

اداکارہ ارمینا خان نے کہا تصور کریں آپ کے انگوٹھے پر ذراسا کٹ لگ جائے، میں اس درد کا تصور نہیں کرسکتی جب کہ خدیجہ پر چھریوں کے 23 وار کیے گئے، خدیجہ جو آج چل رہی ہے یہ ایک معجزہ ہے۔

https://twitter.com/ArmeenaRK/status/1003740236470542336

گلوکار علی گل پیر بھی اپنی آواز کو خاموش ہونے سے نہ روک سکے انہوں نے عدالتی فیصلہ آنے کے بعد ٹوئٹ کیا آپ کو ڈبل سواری کی خلاف ورزی پر جیل میں ڈال دیاجاتا ہے لیکن کسی پر چھریوں کے23 وار کرنے پر ڈیڈی کے ساتھ گھر بھیج دیاجاتا ہے۔ یہ پاکستان کا قانون ہے۔

Will put you in jail for double sawari but stab someone 23 times and you can go home with daddy #PakistanLaw #JusticeForKhadija #WeareWithKhadija
— Ali Gul Pir (@Aligulpir) June 4, 2018