بینظیر قتل کیس پرویز مشرف کا 30 اپریل تک جسمانی ریمانڈ ایف آئی اے کے حوالے

انسدداد دہشت گردی کی عدالت نے بے نظیر قتل کیس میں سابق فوجی حکمران پرویز مشرف کو 30 اپریل تک جسمانی ریمانڈ پر ایف آئی اے کے حوالے کردیا۔


ایف آئی اے نے سابق صدر پرویز مشرف کو گذشتہ روز گرفتار کر کے آج انسداد دہشت گردی کی عدالت کے جج حبیب الرحمان کے سامنے پیش کیا، تفتیشی ٹیم نے عدالت سے سابق صدر کو 10 روز کے جسمانی ریمانڈ پر دینے کی استدعا کی جس پر عدالت نے ایف آئی اے کی درخواست منظور کرتے ہوئے فوری طور پر سابق صدر کو پیش کرنے کا حکم دیا ، پرویز مشرف کے پیش ہونے پر عدالت نے سابق صدر کو 4 روز کے جسمانی ریمانڈ پر ایف آئی اے کے حوالے کردیا۔

پرویز مشرف کے وکلا نے عدالت میں ایف آئی اے کی تفتیشی ٹیم بدلنے کی درخواست دائر کی مگر جج نے درخواست مسترد کردی ، ذرائع کا کہنا ہے کہ پرویز مشرف جسمانی ریمانڈ کی مدت بھی اپنے فارم ہاؤس پر گزاریں گے اور ایف آئی اے کی ٹیم سب جیل قرا ر دیئے گئے فارم ہاؤس جا کر سابق صدر سے تفتیش کرے گی۔