کوئٹہ میں پولیس موبائل پر فائرنگ سے ایک اہلکارشہید 2 زخمی

پولیس نے علاقے کو گھیرے میں لے کر ملزمان کی تلاش شروع کردی ۔ فوٹو: فائل

---

ارباب کرم خان روڈ پر پولیس موبائل پر فائرنگ سے ایک اہلکار شہید جب کہ 2 زخمی ہوگئے۔

کوئٹہ میں ارباب کرم خان روڈ پر یوم علی کے موقع پر پولیس موبائل سیکیورٹی پر مامور تھی اس دوران نامعلوم مسلح ملزمان نے ان پر اندھا دھند فائرنگ کردی جس کے نتیجے میں ایک اہلکار شہید جب کہ 2 زخمی ہوگئے۔

یہ بھی پڑھیں :ڈیرہ مراد جمالی میں دھماکا، دوپولیس اہلکاروں سمیت 6 زخمی

فائرنگ سے شہید اور زخمی ہونے والے پولیس اہلکاروں کو اسپتال منتقل کردیا گیا ہے جہاں زخمی اہلکاروں کو طبی امداد فراہم کی جارہی ہے جب کہ پولیس نے علاقے کو گھیرے میں لے کر ملزمان کی تلاش شروع کردی ہے۔