اقتدارکی پرُامن منتقلی سے جمہوری عمل مضبوط ہوگا نواز شریف

مسلم لیگ(ن) کے صد نوازشریف نے کہا ہے کہ ملکی تاریخ میں پہلی باراقتدارکی پرامن منتقلی کاعمل جاری ہے اس سے جمہوری عمل مضبوط ہوگا۔


سعودی عرب کے سفیر عبد العزیز الغدیر کی رہائش گاہ پرعرب ممالک کے سفیروں کے اعزاز میں ایک تقریب منعقد کی گئی جس میں گفتگو کرتے ہوئے نوازشریف نے کہا کہ پاکستان کوافراط زر، بے روزگاری ، توانائی کے بحران اورامن وامان کی خطرناک صورتحال کا سامنا ہے۔ انہوں نے واضح کیا کہ اچھی حکمرانی اورقانون کی بالادستی سے پاکستان کوان مسائل سے نجات دلائی جاسکتی ہے۔

نوازشریف کا کہنا تھا کہ مسلم لیگ (ن) اقتدارمیں آکرعرب دوست ممالک سے تعلقات کوترجیحی بنیادوں پرمضبوط بنائے گی، اس موقع پر بحرین کے سفیر عبد العزیز الغدیر نے کہا کہ عرب ممالک پاکستان کے ساتھ تعلقات کو بڑی اہمیت دیتے ہیں، ان کا کہنا تھا کہ ہم پاکستان کو ایک سنجیدہ اور آزمایا ہوا دوست تصور کرتے ہیں۔