ورلڈ کپ کی تیاریوں میں مصروف پاناما فٹبال ٹیم ناروے میں لٹ گئی

ایک مقابلے میں پاناما کو 1-0 سے شکست ہوئی جبکہ چورکمروں سے 53 ہزار یورو مالیت کی چیزیں لے گئے۔ فوٹو: فائل

---

ورلڈ کپ کی تیاریوں میں مصروف پاناما فٹبال ٹیم ناروے میں لٹ گئی۔

پہلی بار میگا ایونٹ کیلیے کوالیفائی کرنے والی ٹیم بدھ کی شب جس وقت میزبان ناروے سے مقابلہ کررہی تھی، اسی وقت اوسلو میں ان کے ہوٹل کے کمروں میں چور صفایا کرنے میں مصروف تھے۔ اس مقابلے میں پاناما کو 1-0 سے شکست ہوئی جبکہ چورکمروں سے 53 ہزار یورو مالیت کی چیزیں لے گئے۔

پولیس نے واقعے کی تحقیقات شروع کردی ہیں تاہم اس سلسلے میں سی سی ٹی وی کیمروں کی فوٹیج کا بھی جائزہ لیا جارہا ہے۔ پاناما کی ٹیم میگا ایونٹ کے گروپ جی میں انگلینڈ، بیلجیئم اور تیونس سے مقابلہ کرے گی۔