سچن ٹنڈولکر کا بیٹا بھارتی انڈر 19 ٹیم میں شامل

ارجن کو جولائی میں سری لنکا سے شیڈول 2 چار روزہ میچز کیلیے اسکواڈ میں شامل کیا گیا ہے۔ فوٹو: سوشل میڈیا

---

سابق بیٹسمین سچن ٹنڈولکر کے بیٹے ارجن کو بھارتی انڈر 19 میں منتخب کر لیا گیا۔

لیفٹ آرم فاسٹ بولر ارجن گذشتہ برس ستمبر میں ممبئی انڈر 19 کی جانب سے ایک ٹورنامنٹ کھیل چکے ہیں، انھوں نے گزشتہ برس انگلینڈ اور جنوبی افریقہ کے درمیان لارڈز ٹیسٹ کے موقع پر نیٹ میں بولنگ بھی کی تھی۔

واضح رہے کہ انھیں جولائی میں سری لنکا سے شیڈول 2 چار روزہ میچز کیلیے اسکواڈ میں شامل کیا گیا ہے۔