ودیا کے ساتھ کام کرکے اچھا لگا عمران ہاشمی

بالی وڈ مزاحیہ فلم’’ گھن چکر ‘‘ 28 جون کو ریلیز کی جائے گی۔ فوٹو: فائل

---

KARACHI: بالی وڈاسٹار عمران ہاشمی نے کہا ہے کہ ودیا بالن کے ساتھ کام کرکے اچھا لگا ہے۔

انھوں نے کہا کہ ودیا کے ساتھ فلم کی تشہیری مہم بھی چلارہا ہوں۔ انھوں نے بتایا کہ فلم میں یادگار کردار نبھایا ہے۔ واضح رہے کہ مزاحیہ فلم ''گھن چکر '' کی تشہیر لوکل ٹرینوں میں ہوگی۔ مزاحیہ فلم گھن چکر کے کئی مناظر ممبئی کی لوکل ٹرین میں فلمائے گئے ہیں۔



اس لیے فلم کے پروڈیوسر نے فیصلہ کیا ہے کہ اس فلم کی تشہیر بھی لوکل ٹرینوں میں کی جائے۔ فلم کے مرکزی کردار عمران ہاشمی اور ودیا بالن بھی اس تشہیری مہم کا حصہ ہوں گے جو ٹرینوں میں سفر کریں گے اور شائقین سے بات چیت بھی کریں گے۔ فلم رواں برس 28 جون کو ریلیز کی جائے گی۔