ہاؤ ٹو ٹرین یور ڈریگن دی ہڈن ورلڈ کا ٹریلر جاری

فلم کا پہلا پارٹ 2010ء دوسرا 2014ء میں جاری ہوا جنہیں دنیا بھر میں بے پناہ مقبولیت حاصل ہوئی (فوٹو: انٹرنیٹ)

---

ہالی ووڈ کی معروف اینی میٹڈ فلم 'ہاؤ ٹو ٹرین یور ڈریگن' کے تیسرے سیکوئل کا ٹریلر جاری کردیا گیا۔

ڈریم ورکس اینی میشن کی اس فلم سیریز کے تیسرے حصے کا نام ' ہاؤ ٹو ٹرین یور ڈریگن: دی ہڈن ورلڈ' رکھا گیا ہے۔ فلم کے ڈائریکٹر اور اسکرپٹ رائٹر ڈین ڈیبلوئس ہیں۔ اس کے کرداروں میں پس پردہ آوازیں دینے والوں میں معروف ہالی ووڈ کردار کیٹ بلنچیٹ، کریگ فرگوسن، گیرارڈ بٹلر اور دیگر شامل ہیں۔



فلم کی کہانی کے مطابق ایک گاؤں میں ڈریگنز بھوک مٹانے کے لیے حملے کرتے اور جانوروں کو اٹھا کر لے جاتے تھے مقامی لوگ ان سے لڑتے تھے وہاں کے سردار کے بیٹے نے ایک بہت تیز ترین ڈریگن سے دوستی کرکے گاؤں والوں کو مجبور کیا کہ وہ ڈریگنز سے محبت کریں اور انہیں اپنے ساتھ رکھیں اور وہ اس میں کامیاب رہا۔



فلم کا پہلا پارٹ 2010ء میں جب کہ دوسرا 2014ء میں جاری ہوا جنہیں دنیا بھر کے عوام میں بے پناہ مقبولیت حاصل ہوئی اور اب یہ اس فلم کا تیسرا سیکوئل ہے جس کا پہلا ٹریلر جاری کیا گیا ہے بعدازاں اس کے مزید ٹریلرز بھی جاری ہونے کا امکان ہے جب کہ یہ فلم 2019ء میں دنیا بھر میں ریلیز ہوگی۔