متعصب بھارتیوں کا شاہ رخ خان کو پاکستان سے الیکشن لڑنے کا مشورہ

ایک کام کرو پاکستان چلے جاؤ اورواپس کبھی بھارت نہیں آنا، شارخ خان کو سوشل میڈیا صارف کا مشورہ

ویب ڈیسک June 10, 2018

اب مجھے شاہ رخ خان کی پاکستان سے بے پناہ محبت کی وجہ معلوم ہوئی، انہیں چاہئیے کہ وہ بھی پاکستانی الیکشن میں حصہ لیں، صارف فوٹو:فائل

بالی ووڈ کنگ شاہ رخ خان کی پاکستانی کزن نورجہاں نے جب سے پشاور سے الیکشن لڑنے کا اعلان کیا ہے بھارت میں مقیم کنگ خان کی مشکلات میں اضافہ ہوگیا ہے۔

چند روز قبل بالی ووڈ سپر اسٹار شاہ رخ خان کی پاکستانی شہر پشاورمیں مقیم کزن نورجہاں نے سیاسی میدان میں اترنے کافیصلہ کرتے ہوئےالیکشن لڑنے کافیصلہ کیاتھا۔ نورجہاں پشاور میں حلقہ پی کے 77 سے آزاد امیدوار کی حیثیت سے انتخابات میں حصہ لیں گی۔ شاہ رخ خان کی کزن کے الیکشن میں حصہ لینے کے خبر پر جہاں پاکستان میں انہیں بے حد پزیرائی حاصل ہورہی ہے وہیں یہ خبر بھارت میں بھی جنگل کی آگ کی طرح پھیل گئی۔ پاکستان مخالف معتصب بھارتی یہاں بھی خاموش نہ رہ سکے اور سوشل میڈیا پر شاہ رخ خان کے خلاف نیا محاذ کھول لیا۔

اس خبرکوبھی پڑھیں: شاہ رخ خان کی کزن کا پشاور سے الیکشن لڑنے کا فیصلہ

سوشل میڈیا صارفین نے شاہ رخ خان کو تنقید کا نشانہ بناتے ہوئے کہا''یہی وجہ ہے کہ یہ شخص(شاہ رخ خان) پاکستان سے بے انتہا محبت کرتاہے۔''

Oh that is why this man loves Pakistan so much.
— Mayank Mani (@BeingMmani) June 8, 2018

ایک اور صارف نے لکھا ''اب مجھے شاہ رخ خان کی پاکستان سے بے پناہ محبت کی وجہ معلوم ہوئی، انہیں چاہئیے کہ وہ بھی پاکستانی الیکشن میں حصہ لیں۔''

I know SRK has reason to love Pakistan...He should contest there too...
— Er Debasis Sharma (@DBasyas) June 7, 2018

ایک اور صارف نے ٹوئٹر پر شاہ رخ خان کو مخاطب کرتے ہوئے لکھا ''میں نے سنا آپ کی بہن پاکستانی الیکشن میں حصہ لے رہی ہے، کیا یہ سچ ہے؟ آپ بھارت سے پیسہ کماتے ہیں اور آپ کی بہن ہمارے دشمن ملک پاکستان سے الیکشن میں حصہ لینا چاہتی ہیں، کیوں، آپ کا ایجنڈا کیا ہے۔''(اس صارف کو شاید معلوم نہیں کہ نورجہاں پاکستان میں ہی رہتی ہیں )۔

https://twitter.com/kasturikr/status/1005210282308849670

ایک اور صارف نےطنزیہ انداز میں لکھا شاہ رخ خان کو پاکستان ضرور جاناچاہیئےاورانتخابی مہم میں حصہ لیناچاہیئے۔

https://twitter.com/VedantHindustan/status/1005143820588105728

جاگرتی نامی صارف نے پہلے تو شاہ رخ خان کو مبارکباد دی پھر کہاایک کام کرو پاکستان چلے جاؤ اور واپس کبھی بھارت نہیں آنا۔

https://twitter.com/Being_Jagriti_/status/1004999369102262272

تاہم جہاں سوشل میڈیا پر شاہ رخ خان پر نشتر برسائے جارہے ہیں وہیں بہت سے لوگ کنگ خان کی حمایت میں بھی میدان میں آئے ہیں شیریا نامی صارف نے لکھا ''لوگ کیوں اس بات کو اتنابڑھاوا دے رہے ہیں کہ شاہ رخ خان کی کزن پاکستانی الیکشن میں حصہ لے رہی ہیں، تقسیم سے قبل ہم سب ایک تھے، لہٰذا اگر ان کے خاندان والوں نے سرحد کے اس پار(پاکستان)میں رہنے کا فیصلہ کیا ہے اور شاہ رخ خان کی فیملی بھارت آگئی اس میں کیا ہنگامہ ہوگیا۔''

Why there's so much fuss about SRK's cousin contesting elections in Pak? Like why? Before partition, we all were together, so maybe her family decided to stay that side of the border n SRK's family came this side. Isme itna kya hungama
— shreya (@jaanekyabaathai) June 8, 2018

ایک اور صارف نے لکھا آدھے پنجاب اور دہلی والوں کے رشتے دار پاکستانی ہیں، کسی نے ان کی حب الوطنی پر سوال نہیں اٹھایا ، یہ مسلمان ہے صرف اسلیے؟

Aadhe Punjab and Delhi walo ke relative Pakistani hain. Kisi ne unki desh bhakti pe swal nai uthaya. Ye Muslim hai isliye na??
— Pcinpocket 🏹 (@pcinpocket) June 9, 2018

بھارتی تجزیہ نگار گریش جوہر نے بھی شاہ رخ خان کی کزن کے لیے نیک تمناؤں کا اظہار کرتے ہوئے لکھا ''میں نے پڑھا شاہ رخ خان کی کزن نورجہاں آنے والے انتخابات میں آزاد امیدوار کی حیثیت سے حصہ لے رہی ہیں۔''

Our best wishes .... As per reports, @iamsrk cousin #NoorJahan will be contesting as an independent candidate in the upcoming General Elections in Pakistan !!
— Girish Johar (@girishjohar) June 7, 2018