ٹیم کوارٹر فائنل میں پہنچی تو روس جاؤں گا فرنچ صدر کا اعلان

میں نے کھلاڑیوں میں اعتماد دیکھا ہے، ہماری ٹیم ایونٹ میں شرکت کرنے نہیں بلکہ اسے جیتنے جارہی ہے، میکرون۔ فوٹو: فائل

---

لاہور: فرانس کے صدر ایمانویل میکرون نے اعلان کیا ہے کہ اگر ان کی ٹیم ورلڈ کپ کے کوارٹر فائنل مرحلے تک پہنچنے میں کامیاب ہوئی تو پھر وہ انھیں سپورٹ کرنے کیلیے روس جائیں گے۔

ایمانویل میکرون نے ٹیم کو مخاطب کرتے ہوئے کہا کہ ان کیلیے میرے تین الفاظ ہیں۔'' اتحاد، کوشش اور اعتماد '' انھوں نے منگل کو ٹیم کے ٹریننگ سیشن کا بھی دورہ کیا تھا، میکرون نے کہا کہ میں نے کھلاڑیوں میں اعتماد دیکھا ہے، ہماری ٹیم ایونٹ میں شرکت کرنے نہیں بلکہ اسے جیتنے جارہی ہے۔