گوانتاناموبے جیل کے ناموافق حالات پربھوک ہڑتال کرنیوالے قیدیوں کی تعداد 100ہوگئی 

ہڑتالی قیدیوں میں سے 19 کو تشویشناک حالت سے بچانے کے لئے مائع خوراک دی جارہی ہے۔ جبکہ 5 قیدیوں کو حالت تشویشناک ہوجانے پر اسپتال منتقل کردیا گیا فوٹو: رائٹرز

---

گوانتاناموبے جیل کے ناموافق حالات پر قیدیوں کی بھوک ہڑتال جاری ہے جو اب بڑھ کر 100 ہوگئی ہے۔

غیر ملکی خبر ایجنسی کے مطابق ہڑتالی قیدیوں میں سے 19 کو تشویشناک حالت سے بچانے کے لئے مائع خوراک دی جارہی ہے جبکہ 5 قیدیوں کو حالت تشویشناک ہوجانے پر اسپتال منتقل کردیا گیا ہے تاہم اب ان کی حالت خطرے سے باہر ہے۔ قیدیوں کے وکلا کا کہنا ہے کہ جیل انتظامیہ قیدیوں کی بھوک ہڑتال ختم کرانے کی کوشش کررہی ہے تاہم ان کی کوششیں مؤثر ثابت نہیں ہورہی۔

واضح رہے کہ گوانتاناموبے جیل میں قید قیدیوں نے فروری سے جیل کے ناموافق حالات اور غیر معینہ مدت کی سزا کے خلاف بھوک ہڑتال کی ہوئی ہے اور ہڑتالی قیدیوں کی تعداد میں روز بروز اضافہ ہوتا جارہا ہے۔