پریانکا چوپڑا کی فلم ’’غنڈے‘‘ ویلنٹائن ڈے پر ریلیز کرنے کا فیصلہ

اداکارہ زینت امان سے بہت متاثر ہوں، بالی وڈ میں کسی سے لڑائی نہیں، محنت سے کامیابی حاصل کروں گی، 30 سالہ اداکارہ وگلوکارہ۔ فوٹو: فائل

---

بالی وڈ اداکارہ پریانکا چوپڑا نئی فلم ''کرش تھری ''میں ہریتک روشن کے ساتھ جلوہ گرہونگی ،یہ فلم 3نومبر کو سینماگھروں کی زینت بنائی جاررہی ہے۔

پریانکا کا کہنا ہے کہ ''کرش تھری''کے بعد 2014 کو ویلنٹائن ڈے پر ریلیز ہونے والی فلم ''غنڈے '' کو مکمل کرایا جارہا ہے۔ اس فلم میں رنویر سنگھ ،ارجن کپور اور عرفان خان اہم کردار نبھارہے ہیں۔ اداکارہ پریانکا چوپڑا نے بتایا کہ دونوں فلموں میں اہم کردار نبھایا ہے اور ان میں یادگار پرفارمنس سے شائقین کے دل جیتنے کی کوشش کروں گی۔ انھوں نے کہا کہ نئی فلموں میں کرداروں کی ورائٹی سے اپنی پرفارمنس کو شاندار بنارہی ہوں۔ انھوں نے کہا کہ فلم ''غنڈے''14 فروری 2014کو ہی سینما گھروں کی زینت بنے گی۔

اداکارہ نے بتایا کہ رواں سالکئی فلمیں ریلیز کے لیے تیار ہیں کئی فلموں کے لیے سین عکسبند کروائے جارہے ہیں ، رواں سال ریلیز ہونے والی اہم فلموںمیں ''زنجیر''، ''کرش تھری ''،''میری کوم '' اور ''ملن ٹاکیز'' شامل ہیں۔ واضح رہے کہ 18 جولائی 1982 کو پیدا ہوئیں۔اداکارہ کے والدین بھارتی آرمی کے ڈاکٹرز ہیں 2000میں مس ورلڈ کا تاج پہنا۔ 2002 میں تامل فلم سے فنی سفر کا آعاز کیا ۔پہلی ہندی فلم ''ہیرو'' تھی مگر فلم ''انداز ''نے شہرت کی بلندیوں پر پہنچادیا ۔نیشنل فلم فیئر ایوارڈ سمیت کئی اہم اعزازات جیتے۔ بھارتی اخبار ''ہندوستان ٹائمز'' میں کالم بھی لکھے۔

گلوکارہ کی حیثیت سے بھی خود کو منوایا ،ان کی نئی البم ریلیز ہوئی تو دھوم مچ گئی۔ 2012 میں پریانکا کے گیت ''ان مائی سٹی ''کو بیسٹ سانگ قرار دیا گیا اسے تین کیٹگری کے لیے ورلڈ میوزک ایوارڈز ملے۔ 30 سالہ اداکارہ کا کہنا ہے کہ وہ گلوکاری اور اداکاری کا سلسلہ جاری رکھتے ہوئے پرستاروں کے دل جیتنے کے لیے کوشاں رہوں گی۔ نئی فلموں میںمنفرد پرفارمنس سے شائقین کی توجہ کا مرکزی بنوں گی ۔ پریانکا چوپڑا نے کہا ہے کہ آسکر ایوارڈ کے لیے میری فلم کا انتخاب اہم تھا انھوں نے کہا کہ آسکر ایوارڈ کی دوڑ سے فلم ''برفی ''کے باہر ہوجانے کا رنج نہیں۔ مزید محنت کروں گی اور کامیابی تک کوشاں رہوں گی۔



انھوں نے کہا کہ بھارت سے انٹری کے لیے اس فلم کی شمولیت ہی میرے لیے بڑا اعزاز ہے۔ تاہم اکیڈمی ایوارڈز کے لیے شارٹ لسٹ ہونے پر افسوس ہے ۔میرے سمیت ساری ٹیم کو اس کا افسوس ہے ۔انھوں نے کہا کہ اس فلم کی ہمارے لیے بڑی اہمیت ہے ۔اس فلم میں ہر رکن نے روٹین سے ہٹ کر کام کیا۔ پریانکا چوپڑا نے کہا ہے کہ اچھی فلمیں بنانے کا سلسلہ جاری رکھوں گی ،فلم ''برفی'' کی طرح نئے کردار تلاش کروں گی ۔آسکر ایوارڈ حاصل کرنے کے لیے بھی نئے سال پر عزم کررکھا ہے ۔انھوں نے کہا کہ آسکر ایوارڈ سے فلم کے باہر ہونے کے غم سے زیادہ خوشی بھارت کی جانب سے فلم کی نامزدگی تھی مجھے ایک بڑا اعزاز ملا ہے۔

بالی وڈ اداکارہ پریانکا چوپڑا نے کہا ہے کہ وہ ماضی کی معروف اداکارہ زینت امان سے بہت متاثر ہیں ان کی پرفارمنس بہت اچھی لگتی ہے۔ ان کی بڑی مداح ہوں۔اب بھی وہ بہت عمدہ کام کرتی ہیں۔ جب کہ زینت امان نے کہا کہ اداکارہ پریانکا چوپڑا نے اپنی الگ شناخت بنائی ہے۔ یہ وقت پریانکا کا ہے ان کی اداکاری نے بہت متاثر کیا ہے، پریانکا کا کہنا ہے کہ شاہ رخ خان کے ساتھ کام کرکے خوشی ہوتی ہے بالی وڈ کنگ کی اداکاری سے متاثر ہوں، شائقین ہماری جوڑی کو پسند کرتے ہیں ،ادھر بالی وڈ کنگ بھی پریانکا چوپڑا کے ساتھ کام کرنے کے متمنی ہیں۔ بالی وڈ بادشاہ شاہ رخ خان پریانکا کے ساتھ ایک بارپھر کام کرنے کے لیے تیارہوگئے۔ دریں اثنا اداکارہ پریانکا چوپڑا نے کہا ہے کہ کرینہ اچھی اداکارہ ہیں،ان سے کوئی ناراضی نہیں ہے ۔اپنے تمام پراجیکٹ بروقت مکمل کروانے کے لیے کوشاں ہوں۔

انھوں نے کہا کہ بالی وڈ میں ساتھی فنکارائوں کے ساتھ دوستانہ مراسم بنانے کی کوشش کرتی ہوں۔ بالی وڈ ذرائع کے مطابق اداکارہ پریانکا چوپڑا اور کرینہ کپور کے درمیان تعلقات میں کچھ سرد مہری رہی اس دوران ساتھی فنکاروں نے ان کی صلح بھی کروائی ہے ۔تاہم اداکارہ نے اس تاثر کو مسترد کرتے ہوئے کہا کہ بالی وڈ میں کسی سے بھی کوئی لڑائی نہیں ہے۔ تمام سینئرز کا احترام کرتی ہوں۔ ارجن رام پال نے کہا ہے کہ پریانکا ہی میری فیورٹ اداکارہ ہیں ،ان کی فلم ''برفی ''میں پرفارمنس کو کوئی فراموش نہیں کرسکتا ،میں بھی ان کی اداکاری کا مداح بن گیا ہوں۔ ارجن رام پال نے کہا کہ پریانکا چوپڑا کی عمدہ پرفارمنس سے شائقین بہت لطف اندوز ہوئے ،ان کی نئی فلموں کا شائقین کو شدت سے انتظار ہے ،گزشتہ سال بھی پریانکا نے عمدہ کام کیا اور رواؒں سال بھی ان کی بے مثال اداکاری کے سبب ان کا ہوگیا ہے۔ ادھر بالی وڈ حلقوں کا کہنا ہے کہ پریانکا چوپڑا کی نئی فلموں سے بہت سی توقعات وابستہ کی جاسکتی ہیں۔