کامیڈین منور ظریف کی 37ویں برسی کل منائی جائیگی

BURLINGTON, VT, US:
شہنشاہ ظرافت کا خطاب پانے والے منور ظریف کی 37 ویں برسی کل منائی جائیگی۔


ان کے مداح قرآن خوانی اور اجتماعی دعاؤں کی تقریبات منعقد کریں گے جب کہ ان کی قبر پر پھول بھی چڑھائے جائیں گے۔ منور ظریف 2 فروری 1940 کو گوجرانوالہ میں پیدا ہوئے وہ معروف کامیڈین ظریف کے بھائی تھے۔ انھوں نے اپنے 16 سالہ فلمی کیرئیر میں 300سے زائد اردو اور پنجابی فلموں میں اپنی اداکاری کے جوہر دکھائے۔ ان کی مشہور فلموں میں ''بنارسی ٹھگ''، ''جیرا بلیڈ''، ''موج میلہ''، ''شوقن میلے دی'' ، ''منجھی کتھے ڈاوا ں''، ''دامن اور چنگاری''، ''چکر باز'' ، ''ہمراہی''، ''بد تمیز''، ''نوکرو وہٹی دا'' وغیرہ شامل ہیں۔

جس وقت انھوں نے فلم انڈسٹری میں قدم رکھا تو یہ روایت تھی کہ کامیڈین جوڑی کی صورت میں فلموں میں جلوہ افروز ہوتے تھے اس وقت مرزا اشرف اور یعقوب ، چارلی اور غوری کی جوڑی بہت مقبول تھی۔ انھوں نے رنگیلا کے ساتھ جوڑی بنائی اور پرستاروں کے دلوں میں گھر کر لیا۔ ر نگیلا اور منور ظریف کی جوڑی فلموں میں کامیابی کی ضمانت بن گئی انھیں کامیڈین ہیروکا خطاب بھی ملا۔