نواز شریف بیٹی کے ہمراہ لندن روانہ

نوازشریف اورمریم نواز لندن میں کلثوم نوازکےساتھ عیدمنائیں گے، فوٹوفائل

---

سابق وزیراعظم نواز شریف صاحبزادی مریم نواز کے ہمراہ لندن روانہ ہوگئے۔

مسلم لیگ(ن)کے قائد اور سابق وزیر اعظم نواز شریف اپنی بیٹی مریم نواز کے ہمراہ عید منانے کے لیے لندن روانہ ہوگئے۔ دونوں قطر ایئرلائن کی پروازسے دوحا کے راستے لندن جائیں گے جہاں نوازشریف اپنی اہلیہ کلثوم نوازکی عیادت کریں گے اوراہلخانہ کے ہمراہ عید منائیں گے۔

مریم نواز نے ٹوئٹر پر اپنی لندن روانگی کی اطلاع دیتے ہوئے کہا کہ وہ اپنی والدہ کلثوم نواز سے ملنے اور انہیں گلے لگانے کے لیے بے چین ہیں۔ اس کے ساتھ ہی انہوں نے تمام لوگوں سے دعا کی درخواست کرتے ہوئے کہا کہ سب لوگ ان کی والدہ کی صحت یابی کے لیے خصوصی دعا کریں۔ نواز شریف اور مریم نواز کی واپسی اگلے ہفتے ہوگی۔

Leaving for London. Back next week IA. Can’t wait to meet & hug Ami. Request all for special dua for her health. May Allah bless you all.

— Maryam Nawaz Sharif (@MaryamNSharif) June 14, 2018

واضح رہے کہ نوازشریف کی اہلیہ کلثوم نواز گزشتہ کئی ماہ سے لندن میں مقیم ہیں جہاں ان کاگلے کے کینسر کا علاج جاری ہے، اس سے قبل بھی نواز شریف اہلیہ کی تیماداری کے لیے لندن جاچکے ہیں۔