کلثوم نواز کو دل کا دورہ وینٹی لیٹر پر منتقل

سابق وزیر اعظم نواز شریف اور مریم نواز بیگم کی عیادت کے لیے لندن پہنچ گئے (فوٹو: فائل)

---

سابق وزیر اعظم نواز شریف کی اہلیہ بیگم کلثوم نواز کو طبیعت خراب ہونے پر دوبارہ اسپتال منتقل کردیا گیا، شریف خاندان نے والدہ کے لیے دعاؤں کی اپیل کردی۔

ایکسپریس نیوز کے مطابق کلثوم نواز کینسر کے مرض میں علاج کے لیے کئی ماہ سے لندن میں زیر علاج ہیں، طبیعت مزید خراب ہونے پر انہیں اسپتال کی آئی سی یو میں منتقل کردیا گیا جہاں ڈاکٹروں کی پوری ٹیم موجود ہے۔ پارٹی ذرائع کے مطابق کلثوم نواز کو دل کا دورہ پڑا ہے اور وہ وینٹی لیٹر پر ہیں۔

سابق وزیر اعظم نواز شریف لاہور سے لندن آمد کے بعد سیدھے اسپتال پہنچے جہاں مسلم لیگ ن کے لندن میں موجود کارکنان کی بڑی تعداد بھی اسپتال کے باہر موجود ہے۔

مریم نواز نے والدہ کو دل کی دورے اور انہیں وینٹی لیٹر پر منتقل کرنے کی تصدیق کرتے ہوئے عوام سے دعاؤں کی اپیل کی ہے۔

Arrived in London only to hear that Ami is unwell & hospitalised again. Heading to the hospital. Prayers requested. Thank you.

- Maryam Nawaz Sharif (@MaryamNSharif) 14 June 2018

 

Ami had a sudden cardiac arrest this morning when we were on the flight & is in ICU & on the ventilator since. Earnest request for duas.

- Maryam Nawaz Sharif (@MaryamNSharif) 14 June 2018

شہباز شریف نے بھی سوشل میڈیا پر پیغام میں کہا ہے کہ میری بھابی کی طبیعت بگڑ گئی ہے انہیں آئی سی یو میں منتقل کردیا گیا ہے، ان کی صحت یابی کے لیے پوری فیملی دعا کررہی ہے، ماہ مقدس اختتام پر ہے اور تمام لوگوں سے دعا کی اپیل ہے۔

My Bhabhi Begum Kalsoom Nawaz is being kept in ICU due to her serious condition. The whole family is praying for her recovery.
As the Holy Month of Ramadan comes to an end, I ask my compatriots to join me in prayers for her speedy recovery. The power of prayer is paramount! pic.twitter.com/EHS2BcpzkC

- Mian Shahbaz Sharif (@m_shahbazsharif) 14 June 2018