امریکی صدر اور خاتون اول کی مسلمانوں کو عید کی مبارکباد

امریکی صدر ڈونلڈ ٹرمپ نے امریکا اور دنیا بھر کے مسلمانوں کواپنی اور اہلیہ میلانیا ٹرمپ کی جانب سے عید الفطر کی مبارک باد دی ہے۔


اپنے پیغام میں صدرٹرمپ نے کہا کہ مسلمان ماہ صیام کے اختتام پر عید الفطر مناتے ہیں اور اپنے ساتھیوں کے لیے محبت اور خوشی کاجذبہ لیے روزمرہ کے معمول پرواپس آتے ہیں۔ امریکی صدر نے کہا کہ یہ موقع ہے آپس میں درگذر کو فروغ دینے، اپنی برادری اور اس سے باہر تعلقات مضبوط بنانے کا۔

ڈونلڈ ٹرمپ نے کہا کہ آج امریکہ اور یقین رکھنے والے عوام کی زندگی میں مذہب اہمیت رکھتا ہے۔ صدرٹرمپ نے امید ظاہرکی کہ امن وخیرسگالی کایہ جذبہ اورعید کی خوشیاں جس نے اِس وقت سب کو سرشار کررکھا ہے سارا سال دنیا کو اپنے حصار میں لیے رکھے گی۔