سابق وزیراعظم بینظیر بھٹو شہید کی 65 ویں سالگرہ آج منائی جائے گی

بلاول بھٹو زرداری،بختاور بھٹو زرداری اور آصفہ بھٹو زرداری نوڈیرومیں اپنی والدہ کا یوم ولادت منائیں گے۔

Numaindgan Express June 21, 2018

چیئرمین پیپلزپارٹی بلاول بھٹو زرداری،بختاور بھٹو زرداری اور آصفہ بھٹو زرداری نوڈیرومیں اپنی والدہ کا یوم ولادت منائیں گے۔ فوٹو : فائل

پیپلزپارٹی کی شہید چیئرپرسن بینظیر بھٹو شہید کا 65واں یوم ولادت آج 21جون کو منایا جائے گا۔

بینظیر بھٹو شہید کا 65واں یوم ولادت آج 21جون (بروز جمعرات) کو منایا جائے گا، اس موقع پر پاکستان کے علاوہ امریکا، یورپ اور خلیجی ممالک میں تقریبات منعقد کی جارہی ہیں۔ اسلام آباد میں مرکزی تقریب پارٹی کے مرکزی دفتر میں دن ساڑھے12بجے ہو گی۔

چیئرمین پیپلزپارٹی بلاول بھٹو زرداری،بختاور بھٹو زرداری اور آصفہ بھٹو زرداری نوڈیرومیں اپنی والدہ کا یوم ولادت منائیں گے جبکہ آصف زرداری کراچی میں کیک کاٹیں گے۔

اس موقع پر سابق صدرآصف زرداری نے اپنے پیغام میں کہا ہے کہ پارٹی خواتین کے حقوق کیلیے جدوجہد جاری رکھنے کے عزم کا اعادہ کرتی ہے اورخواتین کے حقوق مذہب کے نام پر غصب کرنے کو مسترد کرتی ہے۔