انتخابات ملکی سیاسی تاریخ کا اہم ترین موڑ ثابت ہوں گے نگراں وزیراعظم

کراچی میں سازگار ماحول کیلیے ہر ممکن اقدامات یقینی بنائے جائینگے، گورنرسے ملاقات میں اتفاق۔ فوٹو: ایکسپریس

---

نگراں وزیراعظم نے کہا ہے کہ انتخابات ملکی سیاسی تاریخ کا اہم ترین موڑ ثابت ہوں گے۔

گورنرسندھ محمد زبیر نے نگراں وزیر اعظم جسٹس (رٹائرڈ) ناصر الملک سے گورنر ہاؤس میں ملاقات کی۔ ملاقات میں 25 جولائی کو ہونے والے انتخابات کو صاف، شفاف اور منصفانہ بنانے کے اقدامات، صوبے میں تمام سیاسی جماعتوں کو انتخابات میں بھرپور حصہ لینے کے لیے یکساں مواقع کی فراہمی، پولنگ والے دن امن وامان کو یقینی بنانے سمیت باہمی دلچسپی کے دیگر امور پر تبادلہ خیال کیا گیا۔ اس موقع پر نگراں وزیراعلیٰ سندھ فضل الرحمن بھی موجود تھے۔

ملاقات میں نگراں وزیراعظم کی جانب سے عام انتخابات میں زیادہ سے زیادہ عوام کی شمولیت کے لیے سیکیورٹی صورتحال اور آزادانہ، منصفانہ، شفاف، غیرجانبدارانہ انتخابی عمل کو ہر صورت یقینی بنانے کے عزم کا اظہار کیا گیا۔