اسلام آباد ہائیکورٹ کا ججز کیخلاف سوشل میڈیا پر بے بنیاد مہم چلانے کا نوٹس

عدالتی فیصلوں کی بناپرفاضل ججزکیخلاف عوام خصوصاً وکلا کوسوشل میڈیا پر کسی لغو مہم کی اجازت نہیں دی جا سکتی، عدالت

ثاقب بشیر June 21, 2018

اسلام آباد بار کونسل کی عدالت عالیہ کو مستقبل میں ایسی مہم چلانے والے وکلا کے خلاف تادیبی کارروائی کرنے کی یقین دہانی۔ فوٹو:فائل

لاہور: اسلام آباد ہائی کورٹ نے ججز کیخلاف سوشل میڈیا پربے بنیاد مہم چلانے کانوٹس لے لیا۔ْ

عدالت نے قرار دیا ہے کہ عدالتی فیصلوںکی بنا پرفاضل ججز کیخلاف عام عوام خصوصاً وکلا کی جانب سے سوشل میڈیا پر کسی بھی قسم کی لغو مہم کی اجازت نہیں دی جاسکتی۔

اسلام آباد بارکونسل نے عدالت عالیہ کو مستقبل میں ایسی مہم چلانے والے وکلا کے خلاف تادیبی کاروائی کرنے کی یقین دہانی کرائی ہے جبکہ عدالت کے تحریری حکم میں کہا گیا ہے کہ کسی بھی عدالتی فیصلے یاآرڈر کے حوالے سے منصفانہ رائے کسی بھی شہری یا وکلا کمیونٹی کا حق ہے۔

گزشتہ روزاسلام آباد ہائی کورٹ کے جسٹس شوکت عزیزنے عدالتی حکم نامے میں قراردیاکہ غیرمتوقع طور پر کچھ وکلا کی جانب سے ایک نیا ٹرینڈ جنم لے رہا ہے جس میں فیصلہ مرضی اور منشا کے خلاف آنے پر ہائیکورٹ کے ججز کیخلاف سوشل میڈیا پر بدنیتی پر مبنی مہم شروع کی جاتی ہے۔ اس کے باوجود کہ وکلا کا استحقاق ہے کہ وہ سنگل بنچ یا ڈویژن بنچ کے فیصلوں کیخلاف ایپلیٹ فورم پر اپیل کرسکتے ہیں،اس لئے کسی بھی شخص خاص طور وکلا کمیونٹی کو اجازت نہیں دی جا سکتی کہ وہ فاضل ججز کے کلاف بدنیتی پرمبنی کوئی بھی مہم شروع کریں۔