مظفر آباد میں گاڑی کھائی میں گرنے کے سبب 5 سیاح جاں بحق اور 11 زخمی ہوگئے۔

ایکسپریس نیوز کے مطابق حادثہ شاہراہ نیلم پر واقع کوڑی پل کے مقام پر پیش آیا۔ سیاحوں سے بھری ایک گاڑی کوڑی پل کے قریب موڑ کاٹتے ہوئے بے قابو ہوکر گہری کھائی میں جا گری جس کے باعث پانچ افراد جاں بحق اور گیارہ زخمی ہوگئے۔

پولیس کے مطابق امدادی کارروائیاں جاری ہیں زخمیوں کی حالت تشویش ناک ہے جس کے باعث ہلاکتوں میں اضافے کا خدشہ ہے۔