فٹبال ورلڈ کپ میں نائیجیریا نے آئس لینڈ کو 02 سے ہرا دیا

فاتح ٹیم کے احمد موسیٰ نے دونوں گول اسکور کیے ۔ فوٹو : اے ایف پی

---

فٹبال ورلڈ کپ میں نائیجیریا نے آئس لینڈ کو 0-2 سے شکست دے دی۔

روس کے شہر وولگو گراڈ میں کھیلے گئے میچ میں نائیجیریا اور آئس لینڈ کی ٹیمیں مدمقابل ہوئیں، نائیجیرین ٹیم نے ابتدا میں حریف گول پوسٹ پر کئی حملے کیے جو آئس لینڈ کے دفاع نے ناکام بنائے، پہلے ہاف میں کوئی گول نہ ہو سکا، دوسرا ہاف شروع ہوتے ہی احمد موسیٰ نے عمدہ پاس پر گول کرتے ہوئے نائیجیریا کو برتری دلا دی۔

اس کے بعد75 ویں منٹ میں احمد موسیٰ نے ڈیفنڈر اور گول کیپر دونوں کو چکمہ دیتے ہوئے بال کو جال کی راہ دکھاتے ہوئے دوسرا گول کردیا، میچ کا اختتام نائیجیریا کی 0-2 سے فتح کے ساتھ ہوا، آئس لینڈ کی ٹیم کو میچ میں واپسی کے کئی مواقع ملے لیکن قسمت نے ان کا ساتھ نہ دیا۔

واضح رہے کہ گروپ ڈی سے کروشیا نے 4 پوائنٹس کے ساتھ دوسرے راؤنڈ میں رسائی حاصل کر لی ہے، نائیجیریا 2 پوائنٹس کے ساتھ دوسرے نمبر پر ہے، آئس لینڈ اور ارجنٹائن کا ایک ایک پوائنٹ ہے، نائیجیریا کی فتح سے ارجنٹائن کے دوسرے راﺅنڈ میں پہنچنے کے امکانات بھی پیدا ہو گئے ہیں، ارجنٹائن کا آخری گروپ میچ نائیجیریا جب کہ آئس لینڈ کا کروشیا سے شیڈول ہے۔