شاہد کپور فلم ’’ریمبو راج کمار‘‘ کی شوٹنگ کے دوران زخمی ہوگئے

فلم ’’ریمبو راج کمار‘‘ میں شاہد کپور کے ساتھ سوناکشی سنہا بطور ہیروئن کام کر رہی ہیں

---

HAMBANTOTA: اداکار شاہد کپور فلم ''ریمبو راج کمار'' میں ایک ایکشن سین کی شوٹنگ کے دوران زخمی ہو گئے۔

کمالستان اسٹوڈیو میں پربھو دیوا کی فلم میں شاہد کپور کو ایک جلتے ہوئے گھر میں سین عکس بند کرانا تھا، سین کی شوٹنگ مکمل کرنے کے بعد جب شاہد کپور جلتے ہوئے گھر سے باہر آنے لگے تو ان کی کمر اور بازوؤں پر گرم کیمیکل گر گیا جس سے ان کی شرٹ میں سوراخ ہو گئے اور شاہد اپنی شرٹ اتارتے ہوئے تیزی سے بھاگتے ہوئے گھر سے باہر نکلے۔ کیمیکل اتنا گرم تھا کہ اس کے گرنے سے شاہد کپور کے جسم پر زخم آ گئے اور انہیں اس کے علاج کے لئے جلد کے ڈاکٹر کے پاس جانا پڑا۔

فلم ریمبو راج کمار میں شاہد کپور کے ساتھ سوناکشی سنہا بطور ہیروئن کام کر رہی ہیں، فلم 15 نومبر کو سینما گھروں میں ریلیز کی جائے گی۔