رنویر سنگھ کے بچپن کی تصویر نے دپیکا کو حیران کردیا

رنویر سنگھ موحوک اسٹائل اور اپنے چہرے کے خدوخال کی وجہ سے بالکل بھی پہچانے نہیں جارہے (فوٹو: فائل)

---

بالی ووڈ اداکار رنویر سنگھ کے بچپن کی ایک تصویر نے اداکارہ دپیکا پڈوکون کو حیران کردیا۔

بھارتی فلم انڈسٹری میں بہت سی نامور شخصیات اکثر اپنے منفرد انداز کی وجہ سے خبروں کی زینت بنی رہتی ہیں ان میں سے ایک نام فلم انڈسٹری کے چلبلے اداکار رنویر سنگھ کا بھی ہے جو مختلف اقسام، انداز اور رنگ برنگے ملبوسات زیب تن کیے جانے اور غیر معمولی ہیئر اسٹائل کی وجہ سے پہچانے جاتے ہیں۔ رنویر سنگھ نے سوشل میڈیا پر اپنے بچپن کی ایک تصویر پوسٹ کی ہے جسے دیکھ کر دپیکا پڈوکون حیران رہ گئیں۔

[instagram-post url="https://www.instagram.com/p/BkZZWJRALc0/"]

بھارتی میڈیا کے مطابق رنویر سنگھ نے سماجی رابطے کی ایپ انسٹا گرام پر اپنے بچپن کی ایک تصویر پوسٹ کی جس میں وہ موحوک اسٹائل اور اپنے چہرے کے خدوخال کی وجہ سے بالکل بھی پہچانے نہیں جارہے جب کہ اُنہوں نے یہ بھی بتایا کہ یہ تصویر 1985ء کی ہے جو اس بات کی عکاسی کرتی ہے کہ اُن کا یہ شوق فلمی دنیا میں انٹری کے بعد سے نہیں بلکہ بچپن سے ہے۔



رنویر سنگھ کے بچپن کی تصویر پر دپیکا نے حیرانی کا اظہار بھی کیا اور ردعمل میں تصویر پر کمنٹ کرتے ہوئے 'نہیں' کہا۔

یہ خبر بھی پڑھیں: دپیکا پڈوکون نے رنویر سنگھ سے منگنی کرلی؟

واضح رہے کہ رنویر سنگھ ان دنوں زویا اختر کی ہدایت کاری میں بننے والی فلم 'گلی بوائے' اور معروف ہدایت کار روہت شیٹھی کی فلم 'سمبا' کی شوٹنگ میں مصروف ہیں جنہوں نے فلم 'بینڈ باجا بارات ' سے فلم انڈسٹری میں ڈیبیو کیا۔