راجہ خلیق الزماں ہوش کے ناخن لیںخان بہادر شر

چوہدری شجاعت، مشاہد حسین سید اور چوہدری پرویز الٰہی قومی سیاست کا اثاثہ ہیں

---

مسلم لیگ (ق) سندھ یوتھ ونگ کے صدر خان بہادر شر نے کہا ہے کہ نواز لیگ یوتھ ونگ سندھ کے راجہ خلیق الزماں ہمارے سینئر رہنما حلیم عادل شیخ اور دیگر لیگی قیادت کا نام لیتے وقت اپنا لب و لہجہ درست کریں، ان خیالات کا اظہار انھوں نے یوتھ ونگ کراچی ڈویژن کے اجلاس سے خطاب کے دوران کیا۔

اجلاس میں شریک یوتھ ونگ کے نصراللہ جلبانی، ارسلان احمد، مشہد عالم مری اور دیگر عہدیداران شریک تھے، انھوں نے کہاکہ کہ نجی چینل پر بیٹھ کر مسلم لیگ (ق) کی مدبرانہ قیادت کیخلاف بولنے والے راجہ خلیق الزاماں ہوش کے ناخن لیں، سندھ کے کونے کونے میں حلیم عادل شیخ اور علیم عادل شیخ کے جانثار بیٹھے ہیں جبکہ مسلم لیگ کے قائدین چوہدری شجاعت، مشاہد حسین سید اور چوہدری پرویز الٰہی قومی سیاست کا اثاثہ ہیں، نواز شریف کے پیچھے نام نہاد اور نعرے لگانے والوںکو پتا ہونا چاہیے کہ لیڈروں کے پیچھے کھڑے ہوکر تصویریں بنوالینے سے کوئی لیڈر نہیں بن جاتا۔