مہاجر قومی موومنٹ عوام کے مسائل کے حل کیلیے کوشاں ہےشمشاد غوری

مہاجر قومی موومنٹ کے وائس چیئرمین شمشاد خان غوری نے کہا ہے کہ حکومت شہر میں امن و امان کے قیام میں ناکام ہوچکی ہے، قتل وغارت گری اور بھتہ خوری اپنی انتہائی حدوں کو چھورہی ہے۔


چیئرمین آفاق احمد کی رہائش گاہ پر اورنگی ٹائون سے آنے والے نوجوانوں کے وفد سے گفتگو کرتے ہوئے انھوں نے کہا کہ مہاجر قومی موومنٹ شہر قائد کے عوامی مسائل کے حل کیلیے ہر لمحہ کوشاں ہے یہی وجہ ہے کہ چیئرمین آفاق احمد نے اپنی رہائی کے بعد پہلی پریس کانفرنس میں کراچی کو اسلحے سے پاک اور شہر کی تعلیمی و تہذیبی میراث کی بقا کیلیے نہ صرف خود جدوجہد کا آغاز کیا بلکہ دیگر سیاسی و مذہبی قوتوں کو بھی اس کارخیر کی دعوت دی۔