دلہے نے اپنی شادی پر فٹبال میچ دیکھنے کیلئے ہال میں اسکرین نصب کردی

کویتی شادی کی ویڈیو سوشل میڈیا پر تیزی سے وائرل ہورہی ہے ۔ فوٹو : فائل

---

کویت کے ایک دلہے نے اپنی شادی پر فٹبال میچ دیکھنے کے لئے ہال میں بڑی ٹی وی اسکرین نصب کردی۔

دنيا کے سب سے مقبول کھيل فٹبال ورلڈ کپ کا جادو سر چڑھ کر بول رہا ہے، فٹبالرز کے ایکشن نے دیکھنے والوں کو اپنے سحر میں اس قدر مبتلا کردیا ہے کہ لوگ اپنا سارا کام کاج چھوڑ کر میچ دیکھنے کو ترجیح دیتے ہیں ایک مداح نے تو اپنی شادی پر فٹبال میچ دیکھنے کا اہتمام کرکے سب کو حیران کردیا۔

غیر ملکی خبر رساں ادارے کے مطابق ایک کویتی دلہے نے اپنی شادی پر آئے مہمانوں کے لئے میچ دیکھنے کا خصوصی انتظام کیا اور اس حوالے سے ایک بڑی ٹی وی اسکرین ہال کے اندر ہی نصب کی جہاں وہ شادی کے ساتھ ساتھ میچ سے بھی خوب لطف اندوز ہوتے رہے ، یہ ویڈیو سوشل میڈیا پر تیزی سے وائرل ہورہی ہے۔

فيديو / عرس في #الكويت وضع للمهنئين شاشة كبيرة لمباريات كأس العالم في #روسيا2018 pic.twitter.com/bEoFnJTcfB

— المجلس (@Almajlliss) June 17, 2018

سماجی رابطے کی ویب سائٹ ٹویٹر پر صارفین نے اس ویڈیو کے حوالے سے اپنے رد عمل کا اظہار کرتے ہوئے کہا کہ لوگ جانتے ہیں کہ ان کے مہمانوں کو کیا چاہئے اور کچھ لوگوں کو پتہ ہونا چاہئے کہ ہم فٹبال کے لئے ہی جیتے ہیں۔