پیٹرسن نئے تنازع میں الجھ گئےجنوبی افریقی پلیئرزکومتنازع ایس ایم ایس کرنے کا الزام

انگلینڈ کرکٹ ٹیم کے کھلاڑی کیون پیٹرسن۔ فوٹو: ایکسپریس

---

لاہور: انگلش بیٹسمین کیون پیٹرسن نئے ٹیکسٹ تنازع میں الجھ گئے، ان پر الزام لگایا گیاکہ حریف سائیڈ جنوبی افریقہ کے کھلاڑیوں ڈیل اسٹین اور ابراہم ڈی ویلیئرز کو ایسے میسیجز بھیجے جن میں اپنے کوچ اینڈی فلاور کی مینجمنٹ اور کپتان اینڈریو اسٹروس کی قائدانہ صلاحیتوں کو تنقید کا نشانہ بنایا گیا،

13 پلیئرز کے اتوار کو اعلان سے قبل فلاور نے پیٹرسن کے حالیہ بیانات کا بھی جائزہ لیا ہے، جس میں انھوں نے دوسرے ٹیسٹ کے بعد ٹیم میں سیاست کا الزام لگاتے ہوئے ٹیسٹ کرکٹ سے بھی ریٹائرمنٹ کی دھمکی دی تھی، سلیکٹرز ان کے متنازع طرز عمل کی وجہ سے ان کو لارڈز ٹیسٹ سے ڈراپ کرنے پر بھی غور کرسکتے ہیں ۔