مصر فوج کا آپریشن 60 جنگجو ہلاک غزہ سرحد پر 20 سرنگیں تباہ

العریش اورشیخ زوید میں شدت پسندوں کے ٹھکانوں پرمصری فوج کے حملے جاری، الطربین کالونی میں پولیس گشت کے دوران 6جنگجوگرفتار

---

مصراورفلسطین کے درمیان جزیرہ نماسیناکے علاقے میں شدت پسندوں کے ٹھکانوں پرمصری فوج کے حملے جاری رہے، فوجی آپریشن میں غزہ اورمصرکی درمیانی سرحدپر20سرنگیں تباہ کردی گئی ہیں ، العریش اورشیخ زویدکے مقامات پرآپریشن کے دوان 6 دہشت گردوں کوحراست میں لے لیاگیاہے جبکہ گزشتہ تین روزسے جاری آپریشن میں 60شدت پسند ہلاک ہوگئے ہیں۔

عالمی میڈیاکی رپورٹ کے مطابق مصری فوج نے الطربین کالونی میں پولیس گشت کے دوران 6عسکریت پسندوں کوحراست میں لے لیاگیاہے تاہم یہ معلوم نہیں ہو سکاکہ حراست میں لئے گئے افرادکاتعلق گزشتہ ہفتے رفاہ گزرگاہ کے قریب مصری فوجیوں پرہوئے حملوں سے کوئی تعلق ہے یانہیں۔ یادرہے کہ گزشتہ اتوارکومسلح افرادنے فلسطینی شہرغزہ کی پٹی اورمصرکے درمیان سرحدی چوکی پرحملہ کرکے16مصری فوجیوں کوقتل اورسات کوزخمی کر دیا تھا۔ کارروائی کے بعد فرارہوتے جنگجواسرائیلی فوج کی گولیوں کانشانہ دہشت گردی کے اس واقعہ کے بعد مصر نے شمالی سینامیں روپوش عسکریت پسندوں کے خلاف ایک بڑاآپریشن شروع کیاہے۔