پاکستان کی ڈیوس کپ ٹائی دوبارہ کرانے کی اپیل مسترد

KARACHI:
انٹرنیشنل ٹینس فیڈریشن نے ڈیوس کپ ٹائی دوبارہ کرانے کی پاکستان کی اپیل مسترد کرتے ہوئے میچ ریفری کے فیصلے کو برقرار رکھا ہے ۔


انٹر نیشنل ٹینس فیڈریشن نے پاکستان ٹینس فیڈریشن کی جانب سے اعصام الحق کی اپیل پر اپنے فیصلے میں قرار دیا ہے کہ گراؤنڈ کی کنڈیشنز بین الاقوامی مقابلے کے قابل نہیں تھیں۔ ریفری کی جانب سے دیا گیا فیصلہ درست ہے اس لئے ڈیوس کپ ٹائی مقابلہ دوبارہ نہیں ہوسکتا۔

واضح رہے کہ گزشتہ ماہ میانمار میں ہونے والے ڈیوس کپ ٹائی میں سری لنکن ریفری آشیتا اجیگالا نے پاکستان کی برتری کے باوجود نیوزی لینڈ کو فاتح قرار دے دیا تھا جس پر پاکستان ٹینس فیڈریشن نے انٹرنیشنل ٹینس فیڈریشن سے ڈیوس کپ ٹائی مقابلہ دوبارہ کرانے کی اپیل کی تھی۔