’سنجو‘ ریلیز سے پہلے ہی لیک فلمسازوں کو کروڑوں کا نقصان

سنسربورڈ نےفلم کے ٹوائلٹ والے سین پر ایکشن لیا لیکن کسی کو بھی آن لائن لیک پرکوئی اعتراض نہیں، صارفین کا شکوہ فوٹوفائل

---

سنجے دت کی زندگی پر بننے والی فلم ''سنجو'' آن لائن لیک ہوگئی ہے جس کی وجہ سے فلمسازوں کو کروڑوں روپے کے نقصان کا اندیشہ ہے۔

بالی ووڈ میں ہر طرف فلم''سنجو''کے چرچے جاری ہیں اور ہر کسی کی زبان پر رنبیر کپور کی فلم میں تہلکہ خیز اداکاری کی باتیں ہیں کیونکہ رنبیر کپور نے فلم میں سنجے دت کی زندگی کے مختلف پہلوؤں کو بہت خوبصورتی کے ساتھ پیش کیا ہے، یہی وجہ ہے کہ شائقین فلم کا بے چینی سے انتظار کررہے ہیں، تاہم آج سنجے دت کے چاہنے والوں کا انتظار ختم ہوا کیونکہ طویل انتظار کے بعد آج ہی وہ دن ہے جب فلم بھارت سمیت پوری دنیا میں ریلیز کردی گئی ہے تاہم ریلیز سے قبل ہی فلم کو ایک بڑا دھچکا اس وقت لگا جب ''سنجو'' آن لائن لیک ہوگئی۔

اس خبرکوبھی پڑھیں: ''سنجو'' کا اہم سین کاٹنے کا حکم

میڈیا رپورٹس کے مطابق بہت سے سوشل میڈیا صارفین فلم کے ٹورینٹ ڈاؤن لوڈ لنک کے اسکرین شوٹس شیئر کررہے ہیں۔ جب کہ ٹوئٹر صارفین کا کہنا ہے کہ فلم کا ایچ ڈی پرنٹ لیک ہوچکا ہے۔



دوسری جانب رنبیر اور سنجے دت کے پرستاروں نے سوشل میڈیا پر تمام لوگوں سے درخواست کرتے ہوئے کہا ہے کہ پائریسی (چوری) کو بڑھاوا نہ دیں اور فلم کوسینما گھروں میں جاکر دیکھیں۔ کچھ لوگوں نے ''سنجو لیکڈ'' کا ہیش ٹیگ استعمال کرتے ہوئے اپیل کی ہے کہ فلم کا ٹورینٹ لنک شیئر نہ کریں اور پائریسی کو ہاں نہ کہیں۔

کچھ لوگوں نے کہا سنٹرل بورڈ آف فلم سنسر(سی بی ایف سی) نے فلم کے ٹوائلٹ والے سین پر ایکشن لیا لیکن کسی کو بھی فلم کی آن لائن لیک پر کوئی اعتراض نہیں، کیوں؟

CBFC has objection over the Toilet leakage scene in #Sanju but no one actually has the problem when the movie is leaked...WHY !?!#SanjayDutt #RajkumarHiraniFilms#SanjuLeaked #Sanju #SanjuThemovie

— Ro-HIT (@rohith_writings) June 29, 2018

کچھ صارفین نے تو یہاں تک کہہ دیا کہ فلم کی آن لائن لیک کی خبریں سلمان خان کے مداحوں نے اڑائی ہیں۔

went from #SanjuLeaked tag....
and found only Salman fans post under this tag!!!
wellll that was expected :P

— Zuheeb (@iam_freakk) June 28, 2018

واضح رہے کہ فلم آج بھارت سمیت دنیا بھر میں ریلیز کی جارہی ہے لہٰذا ریلیز سے قبل فلم کا لیک ہونا فلم کے بزنس پر اثر انداز ہوگا اور فلم کو کروڑوں کا نقصان ہوسکتا ہے۔