پاک فوج نے ہنزہ میں التر چوٹی پر پھنسے غیرملکی کوہ پیماؤں کو بچالیا

تینوں کوہ پیما التر سر چوٹی پر انیس ہزار فٹ کی بلندی پر پھنس گئے تھے، ترجمان پاک فوج : فوٹو : آئی ایس پی آر

---

پاک آرمی کے جوانوں نے التر پیک کو سر کرنے والے 3 غیرملکی پیماؤں میں سے 2 کو بچالیا جبکہ ایک کوہ پیما ہلاک ہوگیا۔

ایکسپریس نیوز کے مطابق گزشتہ روز ہنزہ التر چوٹی کو سر کرنے کی کوشش کرنے والے 3 غیرملکی کوہ پیما 19 ہزار فٹ کی بلندی پر پھنس گئے تھے ۔ سخت سردی اور آکسیجن کی کمی کے باعث آسٹرین کوہ پیما برفانی تودے کی زد میں آ کر ہلاک ہوگیا ۔ جب کہ برطانیہ سے تعلق رکھنے والے 2 کوہ پیماؤں کو پاک آرمی کے جوانوں نے بچالیا ہے۔

پاک فوج کے شعبہ تعلقات عامہ (آئی ایس پی آر) کے مطابق پاک فوج کے پائلٹس نے ہنزہ کے نزدیک چوٹی پر پھنسے تین کوہ پیماؤں کو ریسکیو کر لیا ہے۔ تینوں کوہ پیما التر سر چوٹی پر انیس ہزار فٹ کی بلندی پر پھنس گئے تھے جن میں سے آسٹرین کوہ پیما کرسچین ہبر ہلاک ہوگیا جبکہ برطانوی کوہ پیما ٹموتھی ملر اوربروس نورمنڈ خیریت سے ہیں۔

Pakistan Army pilots in a daring mission rescued 3 foreign mountaineers stuck in snow avalanche at above 19000 feet high Ultar Sar Peak near Hunza. Bruce Normand & Miller Timothy from UK successfully rescued alive while Christian Huber from Austria had succumbed to avalanche. pic.twitter.com/z0OyaCE63H

— DG ISPR (@OfficialDGISPR) July 1, 2018

اسسٹنٹ کمشنر ہنزہ ڈاکٹرانیس کا کہنا ہے کہ ہنزہ پاک آرمی کے ہیلی کوپٹر نے اْلتر پیک میں پھنسے دو کوہ پیماؤں کو ریسکیو کرلیا ہے ۔ ہلاک کوہ پیما کی لاش اور دونوں برطانوی کوہ پیماؤں کو ہیلی کاپٹر کے ذریعے گلگت منتقل کردیا گیا ہے۔