اورکزئی آپریشن 8 شدت پسند ہلاک باڑہ میں جھڑپ

ماموزئی میںبمباری سے3ٹھکانے تباہ،باڑہ جھڑپ میںایک شدت پسندبھی ماراگیا،اورکزئی اورجمرودمیںدھماکے،ٹریلر،3دکانیں تباہ , فائل فوٹو

---

WASHINGTON: اپر اورکزئی میں عسکریت پسندوں کے ٹھکانوں پر جیٹ طیاروں کی بمباری سے 8 عسکریت پسند ہلاک ہو گئے ۔ نجی ٹی وی کے مطابق ماموزئی میں کی جانے والی بمباری سے عسکریت پسندوں کے 3 ٹھکانے بھی تباہ ہوگئے۔

ادھرخیبرایجنسی کے علاقہ باڑہ اکاخیل میں کالعدم لشکر اسلام اور اکاخیل امن لشکر کے درمیاں جھڑپ میں امن لشکر کے 4 رضاکار جاں بحق اور ایک کو اغواکرلیا گیا،لشکراسلام نے دعویٰ کیا ہے کہ اکاخیل لشکر نے ایک گھر پر قبضہ کرلیا تھا، متاثرہ شخص کی فریاد پر کارروائی کرکے گھر کوچھڑالیا گیا،اس دوران اکاخیل لشکر کے 4 افرادہلاک اور ایک کو گرفتار کرلیا گیا، لشکر اسلام نے مارے جانے والوں کی لاشیں بھی قبضہ میں لینے کا دعویٰ کیا ہے، پولیٹیکل حکام نے جھڑپ میں ایک رضاکارکی ہلاکت اور ایک کے لاپتہ ہونے کی تصدیق کی ہے،

ثنانیوزکے مطابق جوابی کارروائی میں لشکر اسلام کا ایک شدت پسند بھی ماراگیا۔جمرود میں نیٹوکنٹینر کونشانہ بنانے کیلیے سڑک کے کنارے نصب بم پھٹنے سے افغانستان سیمنٹ لے جانیوالا ٹرالر تباہ اور ڈرائیور زخمی ہوگیا۔لوئراورکزئی ایجنسی کے علاقہ فیروز خیل کے بازارمیںگدھے پر لادے گئے بارودکے دھماکے سے 3 دکانوں کوجزوی نقصان پہنچا،سیکیورٹی فورسز نے سرچ آپریشن کے دوران 8 مشکوک افراد گرفتار کرلیے۔

پشاور کے علاقہ بڈھ بیر میں پولیس سے جھڑپ میں ایک شدت پسند ہلاک ہوگیا ، فقیرآباد میں مسجد کی سیکیورٹی پر مامور پولیس اہلکار کو فائرنگ کرکے قتل کردیا گیا، ڈیرہ میں موٹرسائیکل سواروں کی فائرنگ سے امن کمیٹی کا رکن عبدالرحمن جاں بحق جبکہ ساتھی زخمی ہوگیا۔ رسالپور میں موٹرسائیکل سواروں کی فائرنگ سے اے این پی رہنما میربہادر،بھتیجے نزاکت خان سمیت جاں بحق ہوگئے۔