مادھوری ڈکشٹ بہترین شخصیت کی مالک ہیں انیل کپور

انیل کپور نے کہا کہ بالی ووڈ میں اچھے اداکار اور اچھے ڈانسرز اکثر ملیں گے لیکن ساتھ ہی ایک اچھی شخصیت کم ہی دیکھنے کو ملتی ہے۔ فوٹو: اے ایف پی/ فائل

---

انیل کپور نے کہا ہے کہ مادھوری ڈکشٹ اچھی اداکارہ اور اچھی ڈانسر ہونے کے ساتھ ساتھ بہترین شخصیت کی بھی مالک ہیں۔

انیل کپور نے کہا کہ بالی ووڈ میں اچھے اداکار اور اچھے ڈانسرز اکثر ملیں گے لیکن ساتھ ہی ایک اچھی شخصیت کم ہی دیکھنے کو ملتی ہے۔ انہوں نے کہا کہ مادھوری ڈکشٹ کے ڈانس شو ''جھلک دکھلا جا' کے پروموز بے حد اچھے ہیں اور انہیں دیکھ کر وہ بے چینی سے اس شو میں مادھوری کو دیکھنے کا انتظار کر رہے ہیں۔

مادھوری ڈکشٹ ڈانس شو ''جھلک دکھلا جا'' میں ہدایت کار کرن جوہر اور معروف کوریوگرافر ریمو ڈی سوزا کے ساتھ جج کے طور پر دوسری بار سامنے آ رہی ہیں۔ ماضی میں انیل کپور اور مادھوری ڈکشٹ کی جوڑی کو بے انتہا پسند کیا گیا اور دونوں نے کئی ہٹ فلمیں دیں جن میں تیزاب، رام لکھن، بیٹا اور پرندا شامل ہیں۔