QUETTA: بلوچستان کے تمام اضلاع میں فوج کی نگرانی میں بیلٹ پیپرز کی ترسیل کا کام شروع کردیا گیا ہے۔

کراچی سے بیلٹ پیپرز لے کر پہلا جہاز کوئٹہ پہنچ گیا ہے جہاں سے فوج کی نگرانی میں ہیلی کاپٹرز کے ذریعے بیلٹ پیپرز اندرون بلوچستان کے مختلف اضلاع میں پہنچائے جائیں گے، صوبائی الیکشن کمشنر بلوچستان سلطان بایزید کے مطابق بلوچستان کے تمام اضلاع کو بیلٹ پیپرز کی ترسیل کا کام فوج کی نگرانی میں مرحلہ وار مکمل کیا جائے گا۔