کراچی جناح برج پر فائرنگ سے ایڈووکیٹ شکیل احمد جاں بحق والد زخمی

جناح برج پر فائرنگ کے نتیجے میں ایڈووکیٹ شکیل احمد جاں بحق جبکہ ان کے والد ایڈووکیٹ علی احمد جان زخمی ہوگئے۔


ایکسپریس نیوز کے مطابق آج صبح ایڈووکیٹ شکیل احمد اپنے والد کے ہمراہ ماری پور گلبائی میں اپنی رہائش گاہ سے ہائی کورٹ جا رہے تھے کہ جناح برج کے آئی سی آئی چوک پر نامعلوم مسلح افراد نے ان کی کار پر فائرنگ کردی جس کے نتیجے میں ایڈووکیٹ شکیل احمد موقع پر جاں بحق جبکہ ان کے والد ایڈووکیٹ علی احمد جان شدید زخمی ہو گئے جنہیں علاج کے لئے جناح اسپتال منتقل کردیا گیا۔ دوسری جانب کراچی بار ایسوسی ایشن نے فائرنگ کے اس واقعے کے خلاف ہفتے کے روز ہڑتال کا اعلان کردیا۔