میراڈونا ارجنٹائنی فٹبال ٹیم کی کوچنگ مفت میں کرنے کو تیار

میڈیا کے دوبارہ ملکی ٹیم کی کوچنگ سنبھالنے کے سوال پر میراڈونا کا جواب تھا کہ ہاں میں یہ کام مفت کرنے کو تیار ہوں۔ فوٹو: فائل

---

KARACHI: ورلڈ کپ میں ٹیم کا حال دیکھ کر سابق ارجنٹائنی فٹبالر ڈیاگو میراڈونا نے ملکی ٹیم کو فری میں کوچ بننے کی پیشکش کردی۔

میراڈونا ماضی میں بھی ملکی ٹیم کے کوچ رہے ہیں تاہم وہ اس بار کازان میں پری کوارٹر فائنل میں ارجنٹائن کی فرانس کے ہاتھوں 3-4 سے شکست کے عینی شاہد بھی تھے، اگرچہ ارجنٹائن کے موجودہ کوچ جورج سیمپاؤلی کا معاہدہ 2022 تک ہے، میڈیا نے میراڈونا سے سوال کیا کہ کیا وہ دوبارہ ملکی ٹیم کی کوچنگ سنبھالنا چاہیں گے تو ان کا جواب تھا کہ ہاں میں یہ کام مفت کرنے کو تیار ہوں۔